Jyl boıy jetken jetistikter

«Bilip alyp saıańnan», demekshi jyl boıy bilip ala júrip, jattyǵýyn tastamaı  bıikterge jetken jasóspirimder jazǵy demalysqa kóńildi kúımen shyqty.

K.Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolledjiniń  oqýshylary men stýdent jastary bıylǵy oqý jylyn aıaqtap, jazǵy demalystaryna  attandy.

«Oqý ınemen qudyq qazǵandaı», demekshi jyl boıy mektep qabyrǵasynda bilimin shyńdaǵan oqýshylar úshin demalys qajet-aq. Mine, kópten kútken demalys aılary da kelip jetti. Qazaqstanda daryndy jasópirimderdiń qanatyn qataıtyp, ulttyq quramanyń jeıdesin kıip, álem jarystarynda el namysyn abyroımen qorǵaıtyn ul-qyzdardy tárbıelep shyǵaryp jatqan K.Ahmetov atyndaǵy bilim men sportty ushtastyrǵan shańyraq tarıhy da tereńnen bastaý alǵan.

Bul bilim shańyraǵy sonaý 1989 jyly №2 Olımpıadalyq rezerv ýchılıщesi bolyp ashylsa, 1994 jyly Olımpıadalyq rezerv ýchılıщesine Karken Ahmetov aty beriledi.

1998 jyldan bastap K. Ahmetov atyndaǵy sporttaǵy daryndy balalarǵa arnalǵan respýblıkalyq mamandandyrylǵan mektep-ınternat-kolledji bolady. 2012 jyly RSMI negizinde Olımpıadalyq rezerv kolledji bolyp ashylyp, qazirgi ýaqytta «Kárken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledji» atalynady. Mine, osy aralyqta talanttardy tanytqan  tárbıe ordasynan shyqqan  aty áıgili sportshylardyń qatary qalyń.  Aıtalyq, Eldos Smetov Olımpıadanyń altyn júldesin jeńip alsa,  Ashat Jıtkeev kúmis júldeni ıelengenin bilemiz. Al sol  attary atalǵan qos daraboz balýanymyz  Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolledjiniń  bolat qyran túlekteri.  Sonymen qatar, búgingi tańda aıtýly sport mektebiniń qabyrǵasynan dáris alyp, dzıýdo sportynda aldyńǵy býyn áıgili aǵalarynyń jolyn abyroımen jalǵastyrýshy jastar qatary ósip keledi.

Jazǵy demalysqa attanar aldynda oqýshylar men stýdentterdiń jyl boıy alǵan bilimderiniń nátıjeleri shyǵyp, keıbiri jaqsy jetistikterimen qýanyp jatsa, keıbiri oqý úlgeriminiń tómendiginen  kózderinde  muń bar. Degenmende tarıhy tereń ketken  mektep-ınternat kolledjdiń oqýshylary  eshqashan jerge qaratqan emes. Bıyl da solaı boldy. Bilim men sportty qosa alyp júrgen jasóspirim daryndy balalar halyqaralyq, álemdik jarystarda el namysyn abyroımen qorǵap qana qoımaı, ózderi  bilim alyp, sportpen shyńdalyp  jatqan K.Ahmetov atyndaǵy Qarken Ahmetov atyndaǵy Olıpıadalyq rezerviniń arnaıy respýblıkalyq mamandandyrylǵan mektep-ınternat kolledjiniń atyn shyǵaryp keledi. 2024 pen 2025 jylǵy oqý jyly barysynda 82 oqýshy atttestat alǵan eken. Onyń ishinde 42 bilim alýshy «Deneshynyqtyrý jáne sport» mamandyǵy boıynsha kolledji aıaqtap, sonyń ishinde jattaqtyrýshy-oqytýshy biliktiligine ıe bolǵan. Al jekeleı toqtala ketse, sporttyq razrıadty úsh adam alsa, 82 stýdent Qazaqstan Respýbıkasynyń sport sheberine úmitker bolǵan. 26 shákirt Qazaqstan Respýblıkasynyń sport sheberi jáne 13 sańlaq halyqarylyq  dárejedegi sport sheberi ataǵyna taban aqy mańdaıterlerimen qol jetkizgen.

Mine, osyndaı tolǵaı tabystarmen  jalyndy sportshylar jyldy qorytyndylap otyr. Solardyń arasynda halyqaralyq, Azııa jáne álem jarystarynda el qorjynyna júlde salǵan biregeı talanttardy ekshelep ataı ketse artyq bolmas edi. Solardyń arasynda  árbir sport túrlerinen álem chempıonaty, Álem kýbogy, Azııa jarystary, halyqaralyq jarystar men Qazaqstan birnshilikterinde júlde salǵan jeńimpazdar men júldgerlerdiń esimderin tilge tıek ete keteıik.

Mysaly, Aıǵanym Askarqyzy Saım, Arına Sergeevna Mıasnıkova, Azat Janabaıuly Kúmisbaev, Muhammedalı Maýlenuly Jylqaıdar, Batyrjan Erjanuly Toqtar, Erasyl Segizbaıuly Sátinbek, Kırıll Dmıtrıevıch Prohodov, Polına Vıtalevna Ko, Erhan Bolatuly Qaraman, Nurtaı  Narıqululy Narov, Aleksandr Ivanovıch Rýmynskıı,  Fedor Petrovıch Dıdenko, Anfısa Vladıslavovna Ivanova, Dosjan Baǵlanuly О́mirserik, Kırıll Stanıslavovıch Tretıakov, Janserik Mustafauly Rahmatýllın, Ámirjan Ashatuly Erbolat, Álıhan Talıhan,  Alder Nurkenuly Ergeshov úlgili oqýlarymen birge sporttyń  barlyq túrlerinen mektep-ınternat kolledjdiń ǵana emes, elimizdiń maqtanyshtary bolyp otyr.

Bıylǵy jyly bir oqýshy «Altyn belgimen» bitirse, eki oqýshyǵa úzdik attestat berildi.  Atap kórsetsek, Dana Abdraımova «Altyn  belgi» tós belgisi  jáne «Altyn belgi»  attestaty tabys etildi. Maqpal Qalmurzaeva men Marııa Lesovskaıa «Úzdik» attestat aldy. Al 2024-2025 oqý jylynda kolledj túlekteri 42 stýdent bolsa, onyń ishinde 6 túlek úzdik dıplomǵa úmitkerler qatarynda tur.

Mine, K.Ahmetov atyndaǵy ORRMMIK daryndy   oqýshylary men stýdentteri 2025 jyldyń jazǵy  úsh aı demalysyna osyndaı úlken jetistiktermen shyǵyp barady. «Bulaq basynan tunıdy», demekshi, daryndy jasóspirimderdiń tolyqqandy bilim alyp, sheberlikterin shyńdap tolassyz tógip jatqan eńbekteri eskerilip barlyq jaǵdaıdy jasap berip otyrǵan mektep ujymy men basshylyǵyna aıtar alǵys oryndy bolar. О́ıtkeni, jaǵdaı jasalap, qamqorlyq qoly bilingen jerde tabys ta kóp kúttirmesi anyq. Bul zańdylyq aksıoma. Oqýshylardyń attestat alar qýanyshty sátteri de laıyqty uıymdastyryldy. K.Ahmetov atyndaǵy ORRMMIK dırektory Jaıdar Nurahmetuly  Saılaýbaev pen onyń orynbasarlary Janna Baıdýllaqyzy men Saltannat Orynqyzy jyldyń úzdik atanǵan oqýshylary men stýdentterin qurmetpen maraptattap, qoldaryna attestatty tabys etti. Aıtýly mektep ujymy shákirtteriniń joǵary oqyp bitýlerine tolyqtaı maqtana alady.  K.Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolledjiniń  negizgi mindetteriniń biri – jaqsy sport rezervin daıyndaý, elimizdiń ulttyq qurama komandalaryna úmitkerlerdi, sport salasynda orta arnaýly bilimi bar mamandardy daıarlaý.  «Bolat qaınaýda shynyǵady, batyr maıdanda shynyǵady», degen eken babalarymyz.

Jattyǵýynda shynyǵyp, álem jarystarynda elimizdiń namysyn qorǵaıtyn jasulandardy tárbıelep jatqan altyn dińgeńti  berekeli shańyraqtan talantty  sportshylardyń kóptep shyǵatynyna bek senimdimiz.

 

Aqyn ORDABAIULY,

ALMATY