Qazaqstan Azııa Para oıyndaryn 8 altyn júldemen aıaqtady

Qazaqstan sportshylary Qytaıdyń Hanchjoý qalasynda ótken IV Azııa Para oıyndaryn aıaqtady. Bul dodada 131 otandasymyz sporttyń 14 túrinen qatysyp, 8 altyn, 12 kúmis jáne 21 qola medalmen komandalyq esepte 11 orynǵa ıe boldy. Jarysta sportshylarymyz, 3 Azııa jáne 4 Azııa Para oıyndarynyń rekordyn jasady, dep habarlady Týrızm jáne sport mınıstrligi.

Para kanoede Bıbarys Spataı KL2 jáne VL3 sanatynda qos kúmis medaldi ıelense, Jalǵas Taıkenov KL3 sanatynda kúmis júldeger atandy. Al Janyl Baltabaeva KL3 sanaty, Maksım Bogatyrev KL1 sanaty boıynsha qola júldege ıe boldy.

Para paýerlıftıngte Davıd Degtıarev Azııa Para oıyndarynda alǵashqy altyn medaldi jeńip aldy. 54 kg salmaq dárejesinde óner kórsetken ol 186 kg ziltemirdi kóterip, Azııa jáne Azııa Para oıyndarynyń rekordyn jańartty. Al 41 keli salmaqta Tursynaı Qabyl men 73 kelide Raýshan Qoıshybaeva  kúmis medaldi jeńip aldy. 45 kelide Gúlim Qurmanbaeva men 88 kelige deıingi salmaq dárejesinde óner kórsetken Rahmetjan Hamaev qola júldeni qanaǵat tutty.

Para dzıýdo kúresinde Aqmaral Naýatbek (45 kg/ J2), Erǵalı Shameı (73 kg/ J1) men Oljas Orazalyuly (73 kg/ J2) altyn medaldi jeńip aldy. Kúmis júldege Asylan Nurdáýletov (73 kg/ J1), Janbota Amanjol (-90 kg/ J2), Zarına Raıfova (70 kg/ J2) jáne Erlan О́tepov (+90 kg/ J2) ıe boldy.  Al Baýyrjan Arstanbek (-90 kg/ J1), Daıana Fedosova (52 kg/ J2), Dınara Kýdjýlova (70 kg/ J1), Ǵalymjan Smaǵululy (-90 kg/ J2), Erlan Konkıev (+90 kg/ J2),Talǵat Ájiǵalıev (+90 kg/ J2) pen Ánýar Sarıev (60 kg/ J2) qola júldeni enshiledi.  Ulttyq qurama dzıýdo kúresinen komandalyq esepte ekinshi orynǵa jaıǵasty.

Para jeńil atletıkada Dastan Muqashbekov ıadro laqtyrýdan altyn medal ıegeri atandy. Ol ıadrony 15,74 metrge laqtyryp, Azııa jáne Azııa Para oıyndarynyń rekordyn jańartty. Sondaı-aq, osy sanatta Ivan Zeleznıak ıadrony 12,39 metrge jiberip, qola medaldi jeńip aldy. Al ekinshi oryn BAÁ sportshysyna buıyrdy.

Para júzýden Nurdáýlet Jumaǵalı eki altyn jeńip aldy (100 m brass jáne 200 m komplekstik stıl). Oǵan qosa 200 metr keshendi júzýde Azııa Para oıyndarynyń rekordyn jańartty. Dıas Kenjebek 100 metr qashyqtyqty 1 mınýt 05:42 sekýndtta júzip ótip, Azııa jáne Azııa Para oıyndarynyń rekordyn jaǵartyp, el qorjynyna jetinshi  altyn medaldi aldy. Al Nuráli Sovetqanov 100 metr brassta, Roman Potapov 100 metr shalqalap júzýde jáne 4h50 m aralas keshendi estafetada óner kórsetken Zýlfııa Gabıdýllına,  Sııazbek Dalıev,  Natalıa Zvıagıneva men Aısultan Kýlkaev qola medal ıelendi.

Para taekvondoda Nyshan  О́miráli (80 kg) men Kamılıa Dosmalova (57 kg) kúmis júldeger atansa, Marııam Salımgereeva (65 kg), Nurlan Donbaev (80 kg) pen Alısher Garıpollaev (+80 kg) qola júldeger boldy.

Shahmattan erler komandasy qola medal jeńip aldy. Juptyq komanda sapynda Álimjan Aıapov pen Serik Soltanov óner kórsetti.

Para velosportta Seıtjan Kenjeǵul men onyń pıloty Anton Lavrentev qola júldeger atandy. Sondaı-aq, jekeleı ýaqyt esebindegi básekede Seıitjan el qorjynyna taǵy qola medal saldy.

Voleıboldy otyryp oınaýda ulttyq qurama sportshylary kúmis júldege ıe boldy. Sportshylarymyz jartylaı fınalda alań qojaıyndary Qytaı eliniń komandasyn 3:2 esebimen jeńip, fınaldyq kezdesýde álemniń jáne Azııanyń birneshe dúrkin chempıony Iran memleketine 3:0 esebimen ese jiberdi.

Eske sala ketsek, ótken 2018 jyǵy Indonezııa ótken Azııa Para oıyndarynda Qazaqstan quramasy 33 medalmen (5 altyn, 15 kúmis, 13 qola) 13 orynǵa taban tiregen bolatyn.

IV Azııa Para oıyndary 22-28 qazan aralyǵynda Qytaıdyń Hanchjoý qalasynda ótti. Jarysqa 43 memleketten 4000-ǵa jýyq sportshy qatysty.

FOTO: Týrızm jáne sport mınıstrligi