Messı segizinshi ret «Altyn dop» syılyǵyn aldy (VIDEO)

Fýtboldan Argentına ulttyq quramasy men AQSh-tyń «Inter Maıamı» klýbynyń shabýylshysy Lıonel Messı «Altyn dop» syılyǵynyń ıegeri atandy.

Leo Messı daýys berý qorytyndysy boıynsha Norvegııa quramasy men Anglııanyń «Manchaster Sıtı» klýbynyń oıynshysy Erlıng Holand pen Franııa ulttyq quramasy men «Parı Sen-Jermen» jasaǵynyń shabýylshysy Kılıan Mbappe artqa qaldyrdy. Úzdik bestikte Kevın de Brıýıne («Manchester Sıtı»/Belgııa) men Rodrı («Manchester Sıtı»/Ispanııa) bar. Osy tizimdegi «Manchester Sıtı» klýbynyń úsh oıynshysy úzdik bestikke kirip otyr.

Bul — Argentına quramasy sapyndaǵy álem chempıonynyń segizinshi «Altyn doby». Buǵan deıin ol 2009, 2010, 2011, 2012, 2015, 2019 jáne 2021 jyly úzdik atanǵan edi. Endi  mine, Messı segizinshi ret álemniń úzdik fýtbolshysy atandy. Odan basqa marapatttaý saltanatynda Anglııa quramasynyń shabýylshysy Djýd Bellıngem Kopa trofeıiniń ıegeri, jyldyń úzdik jas fýtbolshysy ataǵyna ıe boldy. Bul jigit qazir Madrıdtiń «Real» komandasynda oınaıdy. Ol 2003 jyly týǵan. Sarapshylardyń pikirinshe, ol bolashaǵynan zor úmit kúttiretin fýtbolshy.

Erlıng Holand Gerd Mıýller júldesiniń ıegeri boldy. Qaqpashylardyń Lv Iashın atyndaǵy júldesin taǵy bir argentınalyq oıynshy Emılıano Martınes aldy. Emılıano byltyr Argentına quraamsynyń sapynda álem chempıony atanǵan. Qazir ol Anglııanyń «Aston Vılla» klýbynyń qaqpasyn qorǵaıdy.

Áıelder arasynda Aıtana Bonmatı «Barselona» klýbynyń jartylaı qorǵaýshysy «Altyn dop» ıegeri atandy. Bul syılyqqa Bonmatıden basqa taǵy bir ıspanııalyq Olga Karmona men avstralııalyq Sem Kerr úmitker bolǵan.

Bonmatı men Karmona Ispanııa quramasy sapynda 2023 jylǵy álem chempıonatyn jeńip alǵan. Olga Karmona Anglııa quramasymen bolǵan fınalda jalǵyz goldy salǵan. Al Aıtana 2023 jyly áıelder arasyndaǵy álem chempıonatynyń úzdik oıynshysy atanǵan. Sem Kerr «Chelsı» sapynda Anglııanyń eki dúrkin jyldyń úzdik fýtbolshysy retinde tanylǵan.

Dastan KENJALIN,

ASTANA

FOTO: Reuters