SportPress.kz Qazaqstan sport jańalyqtary
Saýd Arabııasynyń astanasy — Ar-Rııad qalasynda V Búkilálemdik jaýyngerlik óner oıyndary máresine jetti, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.
On bir kúnniń ishinde 16 sport túrinen 1500-den astam atlet 954 medaldi ózara sarapqa saldy. Onyń 259-y altyn, 259-y kúmis júlde bolsa, qalǵan 436-sy qola medal boldy.
Qazaqstan delegaııasy 12 altyn, 13 kúmis pen 23 qola medal jeńip alyp, jalpykomandalyq esepte úshinshi orynnan kórindi. Kósh basynda Ýkraına (21 altyn, 17 kúmis, 15 qola júlde), odan keıin sońǵy jarys kúni ekinshi orynǵa kóterilgen Saýd Arabııasy (12 altyn, 20 kúmis, 19 qola medal) tur. Jalpy, bıylǵy Oıyndarda 120-dan astam eldiń 87-sine júlde buıyrdy.
Qazaqstan delegaııasy úshin Ar-Rııadtaǵy keshendi jarystyń ár kúni tarıhı nátıjemen este qalyp otyrdy. Máselen, Oıyndar baǵdarlamasyna alǵash ret qosylǵan qazaq kúresi men armrestlıngten ulttyq qurama komandanyń sportshylary tabysty óner kórsetip, komandalyq esepte birinshi oryn aldy. Sambo men grepplıngten qorjynǵa World Combat Games-tiń alǵashqy altyn júldesi tússe, karateshiler birinshi ret júldegerler qatarynan kórindi. Jalpy, el namysyn sporttyń 10 túrinen 53 sportshy qorǵady.
Bul oıyndarǵa keıbir sporttan negizgi quramdy alyp kelmesek te, barynsha jaqsy quram jasaqtaýǵa tyrystyq. Biz úshin ulttyq sportymyz qazaq kúresiniń oıyndar baǵdarlamasyna alǵash ret kirgeni qýantarlyq jaıt. Balýandarymyz jaqsy nátıje kórsetti. Dál osylaı armrestlıngke qatysty aıtýǵa bolady. Ulttyq qurama alǵa qoıylǵan jospardy oryndady. Osy jerde qandaı kemshilikter baryn da kórdik. Endi solardy taldap, jattyqtyrýshylarmen birge osy baǵytta jumysty qolǵa alamyz,-dedi TSM Sport jáne dene shynyqtyrý isteri komıtetiniń bas mamany Kelbet Nurǵazına.
Osy kórsetkishtiń arqasynda Qazaqstan Jaýyngerlik óner oıyndarynyń jalpy reıtınginde 37-den úzdik ondyqqa kirdi. Osyǵan deıin Beıjiń men Sankt-Peterbýrgte ótken Oıyndardy qosqanda qorjynǵa 1 altyn, 3 kúmis jáne 5 qola túsken.
Oıyndar kezinde 16 sporttyń ishindegi aıkıdo, armrestlıng, djıý-djıtsý, mýaıtaı, sambo men savateden (franýz boksy) para-atletter arasynda arnaıy jarys ótti. Jekpe-jek óneriniń jankúıerlerine básekelerdi resmı saıttan tikeleı efırde kórsettik. Habar taratýshylardyń arqasynda 100-den astam memlekettiń aýmaǵyna sıgnal tarattyq,-dedi «Sport Akkord», ıaǵnı Oıyndar prezıdenti Ivo Ferrıanı.
Kelesi oıyn 2025 jyly bolady.
Jarystyń qaı jerde bolatyny kelesi jyldyń basynda jarııalanady.
FOTO: Týrızm jáne sport mınıstrliginiń Sportty damytý dırekııasy
