تەننيسشى جىبەك قۇلامباەۆا جەتىنشى حالىقارالىق ءتۋرنيردى جەڭىپ الدى

تەننيسشى جىبەك قۇلامباەۆا ءتۋنيستىڭ موناستير قالاسىندا وتكەن ITF W25 تۋرنيرىندە جۇپتىق سىندا جەڭىمپاز اتاندى.

قازاقستان تەننيس فەدەراتسياسىنىڭ حابارلاۋىنشا، جىبەك قۇلامباەۆا قىتايلىق گاو سينيۋيمەن بىرگە فينالدا بەلارۋستىڭ الەنا فالەي مەن رەسەيدىڭ پولينا ياتسەنكوگە قارسى ويناپ، جەڭىسكە جەتتى.

ءبىرىنشى پارتيادا قازاقستان مەن قىتاي دۋەتى قارسىلاستارىنا بىردە-ءبىر گەيم بەرگەن جوق. ەسەپ 6:0 بولىپ اياقتالدى.

ەكىنشى سەتتە بەلارۋس پەن رەسەي تەننيسشىلەرى 6:2 ەسەبىمەن ەسە قايتاردى. سودان كەيىن سۋپەر تاي-برەيكتە قۇلامباەۆا مەن سينيۋي 10:7 ەسەبىمەن تابلوداعى ەسەپتى وزگەرتتى.

وسىلايشا جىبەك قۇلامباەۆا جۇپتىق سىندا كەزەكتى تيتۋلىن يەلەندى. ول وسىمەن حالىقارالىق تۋرنيردەگى جەتىنشى رەت جەڭىسكە جەتتى.