Tennısshi Jibek Qulambaeva jetinshi halyqaralyq týrnırdi jeńip aldy

Tennısshi Jibek Qulambaeva Týnıstiń Monastır qalasynda ótken ITF W25 týrnırinde juptyq synda jeńimpaz atandy.

Qazaqstan tennıs federaııasynyń habarlaýynsha, Jibek Qulambaeva qytaılyq Gao Sınıýımen birge fınalda Belarýstiń Alena Faleı men Reseıdiń Polına Iaenkoge qarsy oınap, jeńiske jetti.

Birinshi partııada Qazaqstan men Qytaı dýeti qarsylastaryna birde-bir geım bergen joq. Esep 6:0 bolyp aıaqtaldy.

Ekinshi sette Belarýs pen Reseı tennısshileri 6:2 esebimen ese qaıtardy. Sodan keıin sýper taı-breıkte Qulambaeva men Sınıýı 10:7 esebimen tablodaǵy esepti ózgertti.

Osylaısha Jibek Qulambaeva juptyq synda kezekti tıtýlyn ıelendi. Ol osymen halyqaralyq týrnırdegi jetinshi ret jeńiske jetti.