Jasandy ıntellekt Golovkın-Kanelo jekpe-jeginiń jeńimpazyn anyqtady (VIDEO)

Jasandy ıntellekttiń Deep Strike quraly Gennadıı Golovkın men Saýl Kanelo Alvarestiń arasyndaǵy alǵashqy jekpe-jektiń jeńimpazyn anyqtady, dep habarlady Bassport.kz.

Bul jekpe-jek 2017 jyldyń qyrkúıek aıynda AQSh-tyń Las-Vegas qalasynda bolǵan edi. Ol 12 raýndqa sozyldy.

Onyń qorytyndysy boıynsha jekpe-jek teń aıaqtaldy. Tóreshiler Kanelonyń paıdasyna 118:110, Golovkınniń paıdasyna 115:113 esep berdi. Sóıtip, referılerdiń sheshimimen esep 114:114 boldy.

Deep Strike taldaýyna qaraǵanda, Golovkın Kanelodan soqqylar sany boıynsha basym bolǵan. Meksıkalyq boksshynyń 217, al Golovkınniń 300 soqqy jasaǵanyn anyqtaǵan.

Sonymen birge Gennadıı Golovkın jekpe-jektiń 9 raýndynda kóbirek soqqy jasap, soqqylardyń jalpy sany boıynsha da asyp túsken.

Nátıjesinde 897:577 esebi tirkeldi. Deep Strike Golovkınniń Kanelony qysym boıynsha da, ıaǵnı 49%:24% nátıjesimen jeńgenin anyqtaǵan.

Odan keıin Deep Strike jasandy ıntellekti quraly boksshylardyń 2018 jyldyń qyrkúıeginde Las-Vegasta ótken ekinshi jekpe-jegine de taldaý júrgizip kórdi. Onyń qorytyndysy boıynsha da Golovkınniń jeńgeni anyqtaldy. Alaıda bul aıqasta tóreshiler jeńisti meksıkalyqqa berdi.