Boksshylardyń jarysqa daıyndyǵynda kemshilik kóp – mınıstr

Memleket basshysynyń tapsyrmasyna sáıkes, týrızm jáne sport mınıstri Ermek Marjyqpaev Qytaıda ótken Azııa oıyndarynyń qorytyndysy boıynsha federaııalardyń esebin tyńdaýdy jalǵastyryp jatyr, dep habarlady vedomstvo.

Bul joly elimizdegi eń tanymal sport túrleri sanalatyn boks pen dzıýdo federaııasynyń ókilderi esep berdi. Jıynda olar sportshylardyń Hanchjoýdaǵy jarys týraly aıtyp, kóńil kónshitpeıtin nátıje kórsetýiniń sebepterin baıandady.

Ermek Marjyqpaev boksshylardyń fızıkalyq jáne fýnkıonaldy daıyndyǵynda kem tustar kóp ekenin, áıelder boksynda rezervtiń joqtyǵyn atap ótti.

Bárimiz 57 keli salmaqta sharshy alańǵa shyqqan Karına Ibragımovanyń fınaldaǵy, 71 keli salmaqtaǵy Aslanbek Shymbergenovtiń jartylaı fınaldyq jekpe-jeginde bolǵan jaǵdaı týraly jaqsy bilemiz. Alaıda, bul komandanyń jalpy kórsetken nátıjesine sebep bolmaýǵa tıis. Bizdiń boksshylar ekinshi raýndtan keıin sharshap qalyp jatyr. Federaııanyń usynysymen sportshylardyń fızıkalyq daıyndyǵyn jaqsartý maqsatynda sheteldik keńesshi shaqyrylǵanymen, nátıje kóńildegideı bolmaı shyqty. Áıelder boksynda rezerv joq, bir sportshy barlyq týrnırge qatysyp shyǵady, — dedi týrızm jáne sport mınıstri.

Sonymen qatar Ermek Marjyqpaev Dzıýdo federaııasynyń esebin tyńdap, sportshylardyń Azııa oıyndarynda jaqyn kórshilerimizden medal sany boıynsha da, jeke beldesýler boıynsha da artta qalyp qoıǵanyn aıtty.

Bir ǵana mysal, Qazaqstan erler quramasynyń balýandary Hanchjoý tatamıinde Tájikstan sportshylarymen úsh ret kezdesip, ókinishke qaraı, sonyń ekeýinde qarsylastaryna jol berip qoıdy. Azıadada Tájikstan men Qyrǵyzstan bir-bir altyn medal, О́zbekstan úsh altyn júldeni jeńip aldy, — dedi mınıstr.

Onyń aıtýynsha, keıingi jyldary dzıýdoshylardyń nátıjesi de, deńgeıi de quldyrap barady.

Sońǵy onjyldyqta dzıýdodan ulttyq qurama salystyrmaly túrde bir deńgeıde óner kórsetip keldi. Eldos Smetovtiń jetistikteri federaııany alǵa tartty. Biraq qazir onyń jasyna saı kúsh-jigeri azdap sarqyla bastaǵanda ulttyq quramanyń shynaıy deńgeıi belgili boldy, — dedi Ermek Marjyqpaev.

Jıyn sońynda mınıstr ótken jarystardyń nátıjelerine tereń taldaý júrgizýdi jáne sportshylardy aldaǵy Parıj Olımpıadasyna tyńǵylyqty daıyndaý úshin keshendi jospar ázirleýdi tapsyrdy.