EURO-2024: Qazaqstan quramasy Slovenııadan jeńildi (FOTO, VIDEO)

Fýtboldan 2024 jylǵy Eýropa chempıonaty irikteý týrnırinde Qazaqstan quramasy Slovenııa komandasyna ese jiberdi.

Ulttyq qurama sapynda jaraqatyna baılanysty Ashat Taǵybergen, Baýyrjan Islamhan, Mıhaıl Gabyshev, Baýyrjan Islamhan men Baqtıer Zaınýtdınov oınaǵan joq.

Machta Qazaqstan quramasynda alańǵa Shakıı, Vorogovskıı, Álip, Marochkın, Malyı, Bystrov, Orazov, Qýat, Beısebekov, Chesnokov pen Samorodov shyqty.

Oıynda birinshi bolyp alań ıeleri esep ashty. Machtyń 41-mınýtynda Igor Shakııdiń qaqpasyn penaltıden Benıamın Sheshko dál kózdedi. Al 47-mınýtta Ramazan Orazov tarazy basyn teńestirdi. Budan keıin ulttyq qurama birneshe shabýyl jasady.

Oıynnyń 86-mınýtynda slovenııalyq Benıamın Verbıch ekinshgi goldy salyp, qurama komandasyna jeńisti syılady.

Osylaısha Qazaqstan qarsylasyna 1:2 esebimen ese jiberdi. Qurlyqtyq dodanyń fınaldyq satysyna Slovenııa quramasy joldama aldy.

Eýropa chempıonatynyń irikteý týrnırinde ulttyq qurama  Danııa (3:2) men Fınlıandııa (1:0) komandalaryn bir márte jeńse, Coltústik Irlandııa (1:0, 1:0) men San-Marıno (3:0, 3:1) quramalarynan eki ret basym tústi. Danııa (1:3), Slovenııa (1:2), Fınlıandııaǵa (0:1) ese jiberdi.

Endi Qazaqstan quramasynyń Eýropa chempıonatyna Ulttar lıgasy arqyly shyǵýyna múmkindigi bar. Kelesi oıyn 2024 jyldyń naýryz aıynda «Tórttik týrnırinde» syrt alańda Grekııamen bolady. Ekinshi jartylaı fınalda Grýzııa men Lıýksembýrg kezdesedi. Osy matchtarda jeńgen komandalar bir-birimen fınalda kezdesip, oıyndy jeńgen qurama Eýropa chempıonatyna joldama alady. Eger Qazaqstan quramasy Grekııa komandasyn jeńse, onda óz alańynda Grýzııa-Lıýksembýrg matchynda jeńgen jasaqpen kezdesedi. Bul múmkindik elimizdiń bas komandasyna 2022/2023 jyldardaǵy maýsymda Ulttar lıgasyndaǵy S tobynda birinshi oryn alǵany úshin berilip otyr.

Qazirge deıin qurlyqtyq dodanyń fınaldyq satysyna Franııa, Portýgalııa, Belgııa, Ispanııa, Shotlandııa, Túrkııa, Anglııa, Aýstrııa, Vengrııa, Slovakııa, Albanııa, Danııa, Nıderland, Shveıarııa, Rýmynııa, Serbııa quramalary shyqty. Al Germanııa chempıonatty uıymdastyrýshy el retinde irikteýsiz qatysady.

Dastan KENJALIN,

ASTANA

 

View this post on Instagram

 

A post shared by Kazakhstan national football team (@kff_team)