مەرۋەرت كاۋكەەۆا تەننيستەن تورەشىنىڭ كۇمىس بەلگىسىن الدى

مەرۋەرت كاۋكەەۆا مىنبەدەگى تورەشىنىڭ كۇمىس بەلگىسىنە يە بولدى. ءسويتىپ ول الەمدىك تورەشىلەر قاۋىمداستىعىنان مۇنداي جوعارى اتاق العان ەكىنشى قازاقستاندىق قازى اتاندى، دەپ حابارلادى قازاقستان تەننيس فەدەراتسياسى.

تەننيس فەدەراتسياسىنىڭ مالىمەتىنە قاراعاندا، «كۇمىس بەلگى» (Silver Badge) تورەشىلەرگە كاسىبي قىزمەتىنە قاراپ بەرىلەدى. بۇل بەلگىنى الۋ ءۇشىن كەمىندە 60 ماتچقا تورەلىك ەتۋ كەرەك. بۇل ماتچتاردىڭ ءبارى حالىقارالىق دەڭگەيدە وتكىزىلەتىن ويىندار بولۋ كەرەك. سونداي-اق «التىن بەلگى» ساناتىنداعى تورەشىلەر مەن سۋپەرۆايزەرلەردەن جوعارى باعا العاننان كەيىن ITF، ATP، WTA جانە Grand Slam جينالىس وتكىزىپ، مۇنداي اتاققا لايىقتىلاردى تاڭدايدى.

«كۇمىس بەلگىسى» بار تورەشىلەر «ۇلكەن دۋلىعا»، ITF، ATP، WTA اياسىندا وتكىزىلەتىن باسقا دا جارىستاردا قازىلىق ەتە الادى.

بىلتىر قاراشادا ەلىمىزدەن يۋليا يگناتچەنكو ءبىرىنشى بولىپ «كۇمىس بەلگىگە» يە بولعان ەدى.