Túrkistanda dańqty qolbasshyny eske alýǵa arnalǵan týrnır bastaldy

Túrkistan qalasyndaǵy Olympic center sport kesheninde Keńes Odaǵynyń batyry, general-maıor Sabyr Rahymovty eske alýǵa arnalǵan erkin kúresten jáne áıelder kúresinen XXVII halyqaralyq týrnır bastaldy, dep habarlady Túrkistan oblysy ákiminiń baspasóz qyzmeti.

Oblys ákimdiginiń habarlaýynsha, jyl saıyn dástúrli túrde ótetin kúres dodasyna bıyl elimizdiń barlyq óńirlerimen qatar kórshiles О́zbekstan, Qyrǵyzstan memleketterinen 24 komanda, 454 balýan qatysyp, boz kilem kórkin qyzdyrýda.

Tartysqa toly saıysta 2004-2006 jyly týǵan órender 21 salmaq dárejesinde jeńimpazdy anyqtaıdy. Onyń ishinde uldar 11 salmaqta beldesse, qyzdar 10 salmaq dárejesinde baq synaıdy, — delingen habarlamada.

Halyqaralyq kúres týrnıriniń ashylý saltanatyna Túrkistan oblysynyń dene shynyqtyrý jáne sport basqarmasy basshysynyń orynbasary Jazıra Mýslımova men Túrkistan oblysy máslıhatynyń tóraǵasy Nuraly Ábishov qatysyp, sportshylarǵa sáttilik tiledi.