تالعات ەشەن ۇلى «ايقىن-ليتەر» جشس-ءنىڭ ديرەكتورى بولدى

تالعات ەشەن ۇلى «ايقىن-ليتەر» جشس-ءنىڭ ديرەكتورى بولىپ تاعايىندالدى، دەپ حابارلادى turkystan.kz.

بۇگىن AMANAT پارتياسىنىڭ اتقارۋشى حاتشىسى داۋلەت كارىبەك «ايقىن-ليتەر» جشس ۇجىمىنا جاڭا باسشىنى تانىستىردى.

تالعات ەشەن ۇلى 1996-1997 جىلدارى حالىقارالىق «زامان-قازاقستان» گازەتىندە، 1997-1998 جىلدارى «جاس الاش» رەسپۋبليكالىق گازەتىندە ءتىلشى، قوعامدىق-ساياسي ءبولىمنىڭ مەڭگەرۋشىسى بولىپ جۇمىس ىستەدى.

1998-2004 جىلدار ارالىعىندا اقپارات مينيسترلىگىندە، مادەنيەت، اقپارات جانە قوعامدىق كەلىسىم مينيسترلىگىندە ءتۇرلى جاۋاپتى قىزمەتتەر اتقاردى.

2004-2005 جىلدارى «جاس الاش» گازەتىنىڭ استاناداعى تىلشىلەر قوسىنىنىڭ جەتەكشىسى بولىپ قىزمەت ەتتى.

2005-2008 جىلدارى «جاس قازاق» رەسپۋبليكالىق قوعامدىق-ساياسي گازەتىنىڭ باس رەداكتورى، 2008-2009 جىلدارى قازاقتان رەسپۋبليكاسى پرەزيدەنتى اكىمشىلىگىنىڭ سەكتور مەڭگەرۋشىسى، 2009-2010 جىلدارى «نۇر وتان» پارتياسى توراعاسىنىڭ ءبىرىنشى ورىنباسارىنىڭ كەڭەسشىسى بولدى، — دەلىنگەن حابارلامادا.

تالعات ەشەن ۇلى — «شابىت» حالىقارالىق شىعارماشىلىق جاستار فەستيۆالىنىڭ «ادەبيەت»، «جۋرناليستيكا» نوميناتسيالارى بويىنشا (1999 جىل، 2000 جىل) جەڭىمپازى. ج.ناجىمەدەنوۆ، ت.ايبەرگەنوۆ اتىنداعى سىيلىقتاردىڭ لاۋرەاتى. قازاقستان رەسپۋبليكاسى پرەزيدەنتى ستيپەندياسىنىڭ (1999 جىل)، «دارىن» مەملەكەتتىك جاستار سىيلىعىنىڭ يەگەرى (2006 جىل). «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالىمەن، «اباي» حالىقارالىق مەدالىمەن ماراپاتتالعان.