SportPress.kz Qazaqstan sport jańalyqtary
Talǵat Eshenuly «Aıqyn-Lıter» JShS-niń dırektory bolyp taǵaıyndaldy, dep habarlady turkystan.kz.
Búgin AMANAT partııasynyń Atqarýshy hatshysy Dáýlet Káribek «Aıqyn-Lıter» JShS ujymyna jańa basshyny tanystyrdy.
Talǵat Eshenuly 1996-1997 jyldary halyqaralyq «Zaman-Qazaqstan» gazetinde, 1997-1998 jyldary «Jas alash» respýblıkalyq gazetinde tilshi, qoǵamdyq-saıası bólimniń meńgerýshisi bolyp jumys istedi.
1998-2004 jyldar aralyǵynda Aqparat mınıstrliginde, Mádenıet, aqparat jáne qoǵamdyq kelisim mınıstrliginde túrli jaýapty qyzmetter atqardy.
2004-2005 jyldary «Jas alash» gazetiniń Astanadaǵy tilshiler qosynynyń jetekshisi bolyp qyzmet etti.
2005-2008 jyldary «Jas qazaq» respýblıkalyq qoǵamdyq-saıası gazetiniń bas redaktory, 2008-2009 jyldary Qazaqtan Respýblıkasy Prezıdenti Ákimshiliginiń sektor meńgerýshisi, 2009-2010 jyldary «Nur Otan» partııasy tóraǵasynyń birinshi orynbasarynyń keńesshisi boldy, — delingen habarlamada.
Talǵat Eshenuly — «Shabyt» halyqaralyq shyǵarmashylyq jastar festıvaliniń «ádebıet», «jýrnalıstıka» nomınaııalary boıynsha (1999 jyl, 2000 jyl) jeńimpazy. J.Nájimedenov, T.Aıbergenov atyndaǵy syılyqtardyń laýreaty. Qazaqstan Respýblıkasy Prezıdenti stıpendııasynyń (1999 jyl), «Daryn» memlekettik jastar syılyǵynyń ıegeri (2006 jyl). «Qazaqstan Respýblıkasynyń Táýelsizdigine 10 jyl» medalimen, «Abaı» halyqaralyq medalimen marapattalǵan.
