Теннисшілер халықаралық турнирде топ жарды

Теннисшілер Дмитрий Попко мен Григорий Ломакин Түркия мен Мысырда өткен халықаралық турнирлерде жеңімпаз атанды. Попко Анталияда ITF турнирін жеңіп алса, Ломакин  Шарм-эль-Шейхта осы санаттағы жарысты алтын медальді иеленді.

Попка Түркиядағы жарыстың финалында Өзбекстанның өкілі  Сергей Фоминмен кортқа шықты. Матчта Қазақстан теннисшісі қарсыласын 6:4, 3:6, 6:2 есебімен басым түсті.

Осылайша, Анталия жарысы спортшы үшін сәтті аяқталды.

Григорий Ломакин жұптық сында украин Вадим Урсумен финалда италиялықтар Филиберто Фумагаллимен және  Сэмюэль Винсент-Ругиеримен бас жүлдені сарапқа салды.

Үш сетке созылған тартысты бәсекеде Қазақстан теннисшілері 6:2, 4:6, 10:5 есебімен жеңіске жетті.

Дастан КЕНЖАЛИН,

АСТАНА