ماعان قارسىلاس تابۋ قيىن — شاۆكات راحمونوۆ (ۆيدەو)

ارالاس جەكپە-جەك شەبەرى شاۆكات راحمونوۆ اقش-تىڭ لاس-ۆەگاس قالاسىنا امەريكالىق ستيۆەن تومپسونمەن ايقاسقا كەلدى.

بۇل جەكپە-جەك 17-جەلتوقساندا لاس-ۆەگاستا UFC 296 ءتۋرنيرى اياسىندا بولادى. بۇگىن قارسىلاستار جەكپە-جەك الدىندا سالماق ولشەۋ ءراسىمىن وتكىزىپ، كوز ءتۇيىستىردى.

شاۆكات مما-دە وتكىزگەن 17 جەكپە-جەگىنىڭ بارلىعىن جەڭگەن. بۇگىنگى تاڭدا ول UFC-دە جارتىلاي ورتا ديۆيزيوندا بەسىنشى ورىندا تۇر. ول ءوزىنىڭ سوڭعى جەكپە-جەگىن ناۋرىز ايىندا UFC 285 تۋرنيرىندە دجەفف نيلگە قارسى وتكىزدى. سول كەزدە 29-جاستاعى وتانداسىمىز قارسىلاسىن ءۇشىنشى راۋندتا «قىلقىندىرۋ» ادىسىمەن جەڭدى.

ەندى ول 17 جەلتوقساندا 40 جاستاعى امەريكالىق ستيۆەن تومپسونمەن جەكپە-جەككە شىعادى. تومپسون دا وڭاي شاعىلاتىن جاڭعاق ەمەس. ول 24 رەت وكتوگونعا شىعىپ، 17 رەت جەڭىسكە جەتكەن. سونىڭ 8-ءىن نوكاۋتپەن جەڭسە، 6 ايقاستا تورەشىلەر تومپسوندى جەڭىمپاز دەپ تانىعان. ال ءبىر جەكپە-جەكتە امەريكالىقتىڭ قارسىلاسى جەڭىلۋگە ءماجبۇر بولعان. ءبىر ايقاستى تەڭ اياقتاعان.

وسى كۇنى  ورتا سالماقتاعى بريتانيالىق لەون ەدۆاردس مەن امەريكالىق كولبي كوۆينگتونمەن ءوزارا كىم مىقتىنى انىقتايدى.

شاۆكات راحمونوۆتىڭ ايتۋىنشا، لەون ەدۆاردس مەن امەريكالىق كولبي كوۆينگتوننىڭ جەكپە-جەگىنەن كەيىن ونىڭ كەلەسى قارسىلاسى بەلگىلى بولادى.

تيتۋل ءۇشىن كۇش سىناسۋعا دايىنمىن. بىراق تومپسونعا قارسى جەكپە-جەكتەن كەيىن نە بولاتىنىن بىلمەيمىن. ماعان قارسىلاس تابۋ قيىن. ايتەۋىر بىرەۋدىڭ جەكپە-جەككە شىعۋعا كەلىسىم بەرگەنىنە قۋانىشتىمىن. 2024 جىلى چەمپيوننىڭ بەلبەۋىن قازاقستانعا الىپ كەلگىم كەلەدى، – دەدى وتانداسىمىز.

ەسكە سالا كەتسەك، جاقىندا كولبي كوۆينگتون راحمونوۆتى كەكەتىپ، ونى بالاعاتتاعان بولاتىن. كەشە لاس-ۆەگاستا ستيۆەن تومپسونمەن جەكپە-جەك الدىندا وتكەن ءباسپاسوز ءماسليحاتىندا شاۆكات راحمونوۆ وسى جاعدايعا قاتىستى پىكىر ءبىلدىرد. ول: «كولبي كامەرانىڭ الدىندا، كوپشىلىكتىڭ ورتاسىندا ماعان قاتىستى نەشە ءتۇرلى سوزدەر ايتا بەرەدى. ال بىراق، بەتپە-بەت كەلگەندە ەشتەڭە ايتا المايدى»، — دەدى.

داستان كەنجالين،

استانا

Shavkat and Wonderboy bringing the action!! 💥@Rakhmonov1994 meets @WonderboyMMA in the Octagon at #UFC296!

[ Saturday at 10pmET / 7pmPT | Live on @ESPNPlus PPV: https://t.co/IvTeJHHuOl ] pic.twitter.com/3orOk681rK

— UFC (@ufc) December 15، 2023