تۋريزم جانە سپورت مينيسترلىگىندە اۋىس-ءتۇيىس بولدى

تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى بولىپ سەرىكوۆ روللان سەرىك ۇلى تاعايىندالدى، دەپ حابارلادى ۆەدومستۆو.

روللان سەرىكوۆ 1979 جىلى سەمەي وبلىسىندا تۋعان.  PhD دوكتورى. ۇيلەنگەن، 2 بالاسى بار.

شاكارىم اتىنداعى سەمەي مەملەكەتتىك ۋنيۆەرسيتەتىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن (نارحوز ۋنيۆەرسيتەتىن) تامامداعان.

ءار جىلدارى جوعارى وقۋ ورىندارىندا وقىتۋشى، باسقارما باسشىسى، دەپارتامەنت ديرەكتورى قىزمەتتەرىن اتقاردى.

2017-2020 جىلدارى ء–بىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ تەستىلەۋدى ۇيىمداستىرۋ جانە وتكىزۋ باسقارماسىنىڭ باسشىسى.

2021-2023 جىلدارى  – دەنە شىنىقتىرۋ جانە بۇقارالىق سپورت اكادەمياسىندا (استانا قالاسى)، Qazaq kuresi قاۋىمداستىعىندا باسشىلىق قىزمەتتە جۇمىس ىستەدى.

سپورت، قۇرىلىس، جىلجىمايتىن م ۇلىكتى باسقارۋ جانە باسقا دا سالالاردا كاسىپكەرلىك قىزمەتپەن اينالىسقان.

قوعامدىق قىزمەتتە «ابىرالى-دەگەلەڭ» قوعامدىق قورىنىڭ ۇيلەستىرۋشىسى (2015 جىلدان)، «ادال ءبىلىم» سىبايلاس جەمقورلىققا قارسى جوبالىق كەڭسەسىنىڭ ساراپشىسى (2019 جىلدان) بولعان.

«ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن (2019 ج.)، «حالىق العىسى» مەدالىمەن (2020 ج.) ماراپاتتالعان.

50-گە جۋىق عىلىمي جاريالانىمنىڭ اۆتورى.

ەۋروپالىق ەكونوميكالىق مەكتەپتە (ريم، يتاليا، 2012 جىلى)، ورتالىق چەحيا ۋنيۆەرسيتەتىندە (پراگا، چەحيا، 2013 جىلى) تاعىلىمدامادان وتكەن.

روللان سەرىكوۆ دەنە شىنىقتىرۋ جانە سپورت سالاسىنداعى بيۋدجەتتى جوسپارلاۋ، ينفراقۇرىلىمدى دامىتۋ، مەملەكەتتىك قىزمەتتەردى كورسەتۋ جانە باسقا دا ماسەلەلەرگە جەتەكشىلىك ەتەتىن بولادى.