SportPress.kz Qazaqstan sport jańalyqtary
Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary bolyp Serikov Rollan Serikuly taǵaıyndaldy, dep habarlady vedomstvo.
Rollan Serikov 1979 jyly Semeı oblysynda týǵan. PhD doktory. Úılengen, 2 balasy bar.
Shákárim atyndaǵy Semeı memlekettik ýnıversıtetin, T. Rysqulov atyndaǵy Qazaq ekonomıkalyq ýnıversıtetin (Narhoz ýnıversıtetin) támamdaǵan.
Ár jyldary joǵary oqý oryndarynda oqytýshy, basqarma basshysy, departament dırektory qyzmetterin atqardy.
2017-2020 jyldary –Bilim jáne ǵylym mınıstrligi Ulttyq testileý ortalyǵynyń testileýdi uıymdastyrý jáne ótkizý basqarmasynyń basshysy.
2021-2023 jyldary – Dene shynyqtyrý jáne buqaralyq sport akademııasynda (Astana qalasy), Qazaq kuresi qaýymdastyǵynda basshylyq qyzmette jumys istedi.
Sport, qurylys, jyljymaıtyn múlikti basqarý jáne basqa da salalarda kásipkerlik qyzmetpen aınalysqan.
Qoǵamdyq qyzmette «Abyraly-Degeleń» qoǵamdyq qorynyń úılestirýshisi (2015 jyldan), «Adal bilim» sybaılas jemqorlyqqa qarsy jobalyq keńsesiniń sarapshysy (2019 jyldan) bolǵan.
«Bilim berý isiniń qurmetti qyzmetkeri» tósbelgisimen (2019 j.), «Halyq alǵysy» medalimen (2020 j.) marapattalǵan.
50-ge jýyq ǵylymı jarııalanymnyń avtory.
Eýropalyq ekonomıkalyq mektepte (Rım, Italııa, 2012 jyly), Ortalyq Chehııa ýnıversıtetinde (Praga, Chehııa, 2013 jyly) taǵylymdamadan ótken.
Rollan Serikov dene shynyqtyrý jáne sport salasyndaǵy bıýdjetti josparlaý, ınfraqurylymdy damytý, memlekettik qyzmetterdi kórsetý jáne basqa da máselelerge jetekshilik etetin bolady.
