راحمونوۆ پەن ماحاچەۆ جەكپە-جەككە شىعۋى مۇمكىن

كەلەسى جىلى ارالاس جەكپە-جەكتە شەبەرى شاۆكات راحمونوۆ تاعى ءبىر ۇلكەن جەكپە-جەككە شىعۋى مۇمكىن. بۇل تۋرالى بۇرىن ءوزى UFC-دە وكتاگونعا شىققان، ال قازىر ارالاس جەكپە-جەكتىڭ ساراپشى بولىپ جۇرگەن چەيل سون ايتتى. ونىڭ ايتۋىنشا، جارتىلاي ورتا سالماقتاعى شاۆكات راحمونوۆ جەڭىل سالماقتاعى UFC چەمپيونى يسلام ماحاچەۆپەن جەكپە-جەككە شىعۋى ءتيىس.

ماحاچەۆ  26 رەت وكتاگونعا شىعىپ، سونىڭ بىرەۋىندە عانا جەڭىلگەن. باسقا ايقاستاردا قارسىلاستارىن جەڭگەن.

يسلام ماحاچەۆ الەكساندر ۆولكانوۆسكيگە ءبىر ەمەس، ەكى رەت مۇمكىندىك بەرگەنىن ايتقان. سول ءسوز ەسىڭىزدە مە؟ ول بيىل وعان ەكى رەت مۇمكىندىك بەرگەن. ول وسىنداي مۇمكىندىكتى وزىنە دە بەرگەنىن قالايدى ەكەن. ويتكەنى، ماحاچەۆتىڭ ءوزى جارتىلاي ورتا سالماقتا ايقاسقا تۇسكىسى كەلەدى.

يسلام ماحاچەۆ پەن لەون ەدۆاردستىڭ جەكپە-جەگىنە كەلسەم، ولار دا وكتاگوندا قولعاپ ءتۇيىستىرۋى مۇمكىن.  جالپى، بىلەسىزدەر مە، UFC Madison Square Garden الاڭىندا يسلامدى بەلبەۋىن قورعاۋعا مىندەتتەۋ كەرەك. ال تيتۋلدى جەكپە-جەكتە ماحاچەۆ شاۆكات راحمونوۆپەن جۇدىرىقتاسۋ كەرەك دەپ ويلايمىن. UFC ماحاچەۆتىڭ جارتىلاي ورتا سالماققا قوسىلۋى تۋرالى ويلانۋى كەرەك. ايتپەسە، ءبىر جاعىنان الىپ قاراساڭىز، تۇلا بويى كۇش تاسىپ تۇرعان جىگىت مۇمكىندىگىن پايدالانباي قالسا، وبال-اق،  — دەدى سوننەن ءوزىنىڭ YouTube ارناسىندا.

سونىمەن بىرگە ول شاۆكات راحمونوۆ تۋرالى ءوز ويىن ايتىپ، قازاق فايتەرىنىڭ بولاشاعى زور ەكەنىن جاسىرمادى.

داستان كەنجالين،

استانا