دجەكي چان شۇعىل تۇردە اۋرۋحاناعا جاتقىزىلدى

ايگىلى اكتەر دجەكي چان شۇعىل تۇردە شانحايدىڭ لين شان اۋرۋحاناسىنا جەتكىزىلدى.

Metaratings.ru پورتالىنىڭ حابارلاۋىنشا، 69 جاستاعى اكتەردىڭ جاعدايى وتە قيىن. وعان دارىگەرلەر بارلىق قاجەتتى كومەكتى كورسەتىپ جاتىر. بۇل اقپارات ازىرشە راستالماعان. دەگەنمەن قىتايدىڭ الەۋمەتتىك جەلىسىندە اكتەردىڭ دەنساۋلىعى تۋرالى بارلىق مالىمەت تەز ارادا ءوشىرىلىپ جاتىر دەگەن دەرەك بار.

دجەكي چاننىڭ دەنساۋلىعىنا قاتىستى قانداي دا ءبىر مالىمەت جاريالاعان ادامداردىڭ اككاۋنتتارى بۇعاتتالىپ جاتىر، – دەپ حابارلادى Meta MMA.

ازىرشە دجەكي چاننىڭ جاعدايى تۋرالى اكتەردىڭ تۋىستارى مەن جاقىندارىنان رەسمي تۇسىنىكتەمە بەرىلگەن جوق.

داستان كەنجالين،

استانا