SportPress.kz قازاقستان سپورت جاڭالىقتارى
اۋەسقوي بوكس: وتاندىق بوكسشىلار ازەربايجاننىڭ باكۋ قالاسىندا وتكەن ابباس اگالاروۆتى ەسكە تۇسىرۋگە ارنالعان حالىقارالىق تۋرنيرگە قاتىسىپ، 16 مەدال جەڭىپ الدى.
وعان قازاقستان، ازەربايجان، وزبەكستان، تاجىكستان، رەسەي، ساۋد ارابياسى جانە ەۋروپالىق بوكس كونفەدەراتسياسىنان كەلگەن 97 سپورتشى قاتىستى. جارىس قورىتىندىسى بويىنشا قازاقستان قۇراماسى جالپىكوماندالىق ەسەپتە ەكىنشى ورىن الدى. قازاقستان بوكسشىلارى 4 التىن، 5 كۇمىس جانە 7 قولا جۇلدەنى يەلەندى.
ساداق اتۋ: گرۋزيانىڭ باتۋمي قالاسىندا ساداق اتۋدان حالىقارالىق تۋرنير ءوز مارەسىنە جەتتى. جارىس قورىتىندىسى بويىنشا ساميرا جۇماعۇلوۆا، اياجان ياحينا مەن ءاليحان تۇياق ءبىرىنشى ورىن يەلەندى.
جەكەلەي سىندا رايىمبەك مايقىباەۆ توپ جارسا، قىزدار اراسىندا ساميرا جۇماعۇلوۆا كۇمىس مەدالدى قاناعات تۇتتى. كادەتتەر اراسىندا ءاليحان تۇياق التىن، اياجان ياحينا كۇمىس جۇلدەگە يە بولدى.
كوماندالىق جارىستا رايىمبەك مايقىباەۆ پەن ابدۋمالىك عانيەۆ جەڭىسكە جەتسە، ارالاس كوماندالىق سىندا ءاليحان تۇياق پەن اياجان ياحينا جۇبى باس جۇلدەنى جەڭىپ الدى.
شايبالى حوككەي: قۇرلىقتىق حوككەي ليگاسىندا (قحل) استانانىڭ «بارىس» كلۋبى ءوز ايدىنىندا رەسەيدىڭ «تراكتور» (چەليابى) كومانداسىنان باسىم ءتۇستى.
«بارىس» ساپىنان اركادي شەستاكوۆ ءدۋبلدىڭ، ياعني ەكى گولدىڭ اۆتورى اتاندى. داۆيد سكلەنيچكا، رۋدولف چەرۆەنى، ەنتوني كامارا مەرگەندىگىمەن كوزگە ءتۇستى. «تراكتور» كومانداسىنان نيكيتا سوشنيكوۆ ءبىر مارتە دالدىك تانىتتى. وسىلايشا ەلوردالىق كلۋب قارسىلاسىنان 5:1 ەسەبىمەن باسىم ءتۇسىپ، قاتارىنان ءۇشىنشى مارتە جەڭىسكە جەتتى.
تۋريزم جانە سپورت مينيسترلىگى
