Qazaqstan boksshylary Ázerbaıjanda 16 medal jeńip aldy

Áýesqoı boks: Otandyq boksshylar Ázerbaıjannyń Baký qalasynda ótken Abbas Agalarovty eske túsirýge arnalǵan halyqaralyq týrnırge qatysyp, 16 medal jeńip aldy.

Oǵan Qazaqstan, Ázerbaıjan, О́zbekstan, Tájikstan, Reseı, Saýd Arabııasy jáne Eýropalyq boks konfederaııasynan kelgen 97 sportshy qatysty. Jarys qorytyndysy boıynsha Qazaqstan quramasy jalpykomandalyq esepte ekinshi oryn aldy. Qazaqstan boksshylary 4 altyn, 5 kúmis jáne 7 qola júldeni ıelendi.

Sadaq atý: Grýzııanyń Batýmı qalasynda sadaq atýdan halyqaralyq týrnır óz máresine jetti. Jarys qorytyndysy boıynsha Samıra Jumaǵulova, Aıajan Iahına men Álıhan Tuıaq birinshi oryn ıelendi.

Jekeleı synda Raıymbek Maıqybaev top jarsa, qyzdar arasynda Samıra Jumaǵulova kúmis medaldi qanaǵat tutty. Kadetter arasynda Álıhan Tuıaq altyn, Aıajan Iahına kúmis júldege ıe boldy.

Komandalyq jarysta Raıymbek Maıqybaev pen Ábdýmálik Ǵanıev jeńiske jetse, aralas komandalyq synda Álıhan Tuıaq pen Aıajan Iahına juby bas júldeni jeńip aldy.

Shaıbaly hokkeı: Qurlyqtyq hokkeı lıgasynda (QHL) Astananyń «Barys» klýby óz aıdynynda Reseıdiń «Traktor» (Chelıabi) komandasynan basym tústi.

«Barys» sapynan Arkadıı Shestakov dýbldiń, ıaǵnı eki goldyń avtory atandy. Davıd Sklenıchka, Rýdolf Cherveny, Entonı Kamara mergendigimen kózge tústi. «Traktor» komandasynan Nıkıta Soshnıkov bir márte dáldik tanytty. Osylaısha elordalyq klýb qarsylasynan 5:1 esebimen basym túsip, qatarynan úshinshi márte jeńiske jetti.

Týrızm jáne sport mınıstrligi