Bıyl sportshylar bes úlken jarysqa qatysady

Bıylǵy jarystardy IV qysqy jasóspirimder Olımpıadasy bastap beredi. Bul jarys 19 qańtar men 1 aqpan aralyǵynda Ońtústik Koreıanyń Kanvondo qalasynda bolady. Qazaqstan sportshylary da qatysady, dep habarlady Týrzım jáne sport mınıstrligi.

Qazirgi ýaqytta el quramasynda 10 dısıplına boıynsha sporttyń bes túrinen 30 lıenzııa bar. 42 sportshy joldama aldy.

Bıylǵy jyldyń basty jarysy – Parıj qalasynda alaýy tutanatyn jazǵy Olımpııalyq oıyndar dep aıtýǵa bolady. Bul doda 26 shilde men 11 tamyz aralyǵynda ótedi. Oǵan álemniń 205 elinen kelgen 10 myńnan astam sportshy qatysyp, kúsh synasady.

Tórt jyldyqtyń jarysynda sporttyń 32 túrinen 329 medal jıyntyǵy sarapqa salynady. Qazaqstan ulttyq quramasy sporttyń 20 túrinen qatysýdy josparlap otyr. Búgingi tańda otandastarymyzda sporttyń 8 túri boıynsha (sadaq atý, veloshosse, oq atý, qazirgi bessaıys, grek-rım kúresi, erkin kúres, sporttyq gımnastıka jáne boks) 17 lıenzııa bar. Alda 90-ǵa jýyq lıenzııalyq jarys kútip tur. Sondyqtan joldamalar sanyn áli de kóbeıtý múmkindigi bar.

8-14 qyrkúıek aralyǵynda elimiz úshin máni men mańyzy jaǵynan alyp qaraǵanda, taǵy bir úlken jarys bolady. Ol — V Dúnıejúzilik kóshpendiler oıyndary. Bul báseke Astanada bolady, Oǵan  álemniń 100-den astam elinen delegaııalar keledi dep josparlanyp otyr.

Oıyndardyń bir ereksheligi, munda sporttyq, mádenı jáne ǵylymı baǵdarlamalar birigip ótkiziledi.  Baǵdarlamaǵa 20 jarystyq jáne 10 kórneki sport túri kirip, 110 medal jıyntyǵy oınatylady.

Jarys at sporty, ulttyq kúres, sadaq atý, qustarmen ań aýlaýdyń túrleri, dástúrli zııatkerlik oıyndar boıynsha ótedi. Qazirgi ýaqytta ulttyq qurama daıyndyqty bastady. Komandalar quramy jasaqtalyp jatyr. Oqý-jattyǵý sharalary ótkizilýde.

Bıyl Astanada áıelder arasyndaǵy bokstan álem chempıonaty ótedi. Bul týraly Tashkentte ótken Halyqaralyq boks qaýymdastyǵynyń (IBA) resmı otyrysynda habarlandy. IBA prezıdentiniń aıtýynsha, týrnırdiń jalpy júlde qory 4,8 mln AQSh dollary bolady. Álem chempıony atanǵan boksshy 200 myń AQSh dollaryn alady.

Sondaı-aq 2024 jyldyń qarashasyna Astana qalasynda sambodan álem chempıonaty josparlanǵan. Byltyr kúzde Erevanda ótken sambodan 48-shi álem chempıonatyna 65 el qatysyp, jalpy esepte Qazaqstan quramasy 1 altyn, 2 kúmis jáne 5 qolamen úshinshi orynǵa taban tiredi.