تەننيسشى قۇلامباەۆا تايلاندتاعى ءتۋرنيردىڭ جارتىلاي فينالىنا شىقتى

تەننيسشى جىبەك قۇلامباەۆا جۇپتىق سىندا تايلاندتىڭ نونتحابۋري قالاسىندا ءوتىپ جاتقان ITF W50 ءتۋرنيرىنىڭ جارتىلاي فينالىنا شىقتى، دەپ حابارلادى قازاقستان تەننيس فەدەراتسياسى.

ول جارىستىڭ ءبىرىنشى راكەتكاسى بولىپ تىركەلىپ، گرەكيالىق ساپفو ساكەللاريديمەن بىرگە شيرەك فينالدا پولشا وكىلى مايا حۆالينسكا مەن جاپونيالىق يۋكي نايتومەن سىنعا ءتۇستى. قۇلامباەۆا مەن ساكەللاريدي قارسىلاستارىن 6:4، 6:4 ەسەبىمەن جەڭدى. ەندى ولاردىڭ جارتىلاي فينالداعى قارسىلاستارى كەيىن انىقتالادى.

اۋستراليانىڭ بريسبەن قالاسىندا قازاقستاننىڭ ءبىرىنشى راكەتكاسى ەلەنا رىباكينا WTA 500 ءتۋرنيرىنىڭ شيرەك فينالىنا جولداما الدى. ول ءتۋرنيردىڭ ەكىنشى راكەتكاسى بولىپ ويناپ جاتىر. تەننيسشى ءۇشىنشى اينالىمدا الەمنىڭ 30-راكەتكاسى، بەلگيالىق ەليزە مەرتەنسپەن كەزدەسىپ، ونى ايقىن باسىمدىقپەن جەڭدى. ولار وسى كەزگە دەيىن ءتورت رەت كەزدەسكەن ەدى. سونىڭ ۇشەۋىندە رىباكينا جەڭىسكە جەتتى.

مەرتەنس وڭاي شاعىلاتىن جاڭعاق ەمەس. ول «ۇلكەن دۋلىعا» تۋرنيرىندە ءۇش رەت جۇپتىق سىندا جەڭىمپاز اتانعان.

ەندى رىباكينا ءتۋرنيردىڭ ½ فينالىنا شىعۋ ءۇشىن رەيتينگتە 28-ساتىدا تۇرعان رەسەيلىك اناستاسيا پوتاپوۆانىڭ بىرەۋىمەن وينايدى.