Tennısshi Qulambaeva Taılandtaǵy týrnırdiń jartylaı fınalyna shyqty

Tennısshi Jibek Qulambaeva juptyq synda Taılandtyń Nonthabýrı qalasynda ótip jatqan ITF W50 týrnıriniń jartylaı fınalyna shyqty, dep habarlady Qazaqstan tennıs federaııasy.

Ol jarystyń birinshi raketkasy bolyp tirkelip, grekııalyq Sapfo Sakellarıdımen birge shırek fınalda Polsha ókili Maııa Hvalınska men japonııalyq Iýkı Naıtomen synǵa tústi. Qulambaeva men Sakellarıdı qarsylastaryn 6:4, 6:4 esebimen jeńdi. Endi olardyń jartylaı fınaldaǵy qarsylastary keıin anyqtalady.

Aýstralııanyń Brısben qalasynda Qazaqstannyń birinshi raketkasy Elena Rybakına WTA 500 týrnıriniń shırek fınalyna joldama aldy. Ol týrnırdiń ekinshi raketkasy bolyp oınap jatyr. Tennısshi úshinshi aınalymda álemniń 30-raketkasy, belgııalyq Elıze Mertenspen kezdesip, ony aıqyn basymdyqpen jeńdi. Olar osy kezge deıin tórt ret kezdesken edi. Sonyń úsheýinde Rybakına jeńiske jetti.

Mertens ońaı shaǵylatyn jańǵaq emes. Ol «Úlken dýlyǵa» týrnırinde úsh ret juptyq synda jeńimpaz atanǵan.

Endi Rybakına týrnırdiń ½ fınalyna shyǵý úshin reıtıngte 28-satyda turǵan reseılik Anastasııa Potapovanyń bireýimen oınaıdy.