Shyńǵyshan men Shýmekova Olımpıadada Qazaqstan týyn ustap shyǵady

19 qańtarda Ońtústik Koreıanyń Kanvondo provınııasyndaǵy Kannyn qalasynda IV qysqy jastar Olımpıadasynyń ashylý saltanatynda elimizdiń týyn ustap shyǵatyn sportshylardyń esimderi belgili boldy, dep habarlady Týrızm jáne sport mınıstrligi.

Olımpıadanyń ashylý saltanatynda «Memleketter sherýi» kezinde Qazaqstannyń baıraǵyn konkıshi Krıstına Shýmekova men short-trekshisi Erasyl Shyńǵyshan ustap shyǵady. Shýmekova Petropal qalasynyń, Shyńǵyshan – Oral qalasynyń turǵyny.

Sportshylar jarystardaǵy úzdik nátıjeleri úshin ǵana emes, halyqaralyq arenadaǵy jeńiske degen jigeri úshin tańdaldy.

Krıstına Shýmakovanyń jasy 18-de. Ol konkımen júgirý sportynan Qazaqstan Respýblıkasynyń sport sheberi, óziniń jas sanatyndaǵy Qazaqstan chempıony, 2023 jylǵy Álem Kýbogynyń kúmis júldegeri.

Erasyl Shyńǵyshannyń jasy 17-de. Ol short-trekten sport sheberine kandıdat, óziniń jas sanatyndaǵy Qazaqstan chempıony. Sonymen birge «Azııa balalary» 2023 halyqaralyq jarysynyń kúmis júldesin jeńip alǵan.

Bul – men úshin óte áserli sát. Jastardyń qysqy Olımpıadasynda  Qazaqstandy tanystyrý – abyroıly mindet qana emes, úlken jaýapkershilik. Men jarys jolynda bar kúsh-jigerimdi salýǵa ýáde beremin. Tórt jyldyqtyń basty dodasyna qatysatyn árqaısymyz Olımpıada medalin jeńip alǵymyz keledi jáne bul Oıyndar bizdiń osy maqsatqa jetý jolyndaǵy tamasha múmkindigimiz, — dedi Krıstına Shýmekova.

Short-trekten Qazaqstan quramasynyń múshesi Erasyl Shyńǵyshan da óz oıyn ortaǵa saldy.

Men úshin Tý ustaýshy bolý – úlken jaýapkershilik. Bizdiń ulttyq qurama sportshylary aldaǵy baıraqty básekege daıyn jáne biz Ońtústik Koreıadaǵy jarysta el namysyn abyroımen qorǵaıtynymyzǵa senimdimin. Jastar Olımpıadasyna qatysý – árqaısymyz úshin zor tájirıbe, kásibı sportshy retinde ósýimizge mol múmkindik, — dedi sportshy.

Olımpııalyq oıyndarǵa daıyndyq boıynsha shtab basshysy Elsııar Qanaǵatov tý ustaýshylardyń durys tańdalǵanyn atap ótti. Onyń aıtýynsha, Krıstına men Erasyl – Qazaqstan komandasynyń laıyqty sportshylary.

Ekeýi de bizdiń myqty ári uıymshyl komandamyzdyń jarqyn ókilderi. Olardyń kásibıligi, ynta-jigeri men sportqa degen adaldyǵy Ońtústik Koreıaǵa baratyn jastar quramasy músheleriniń boıynan eń jaqsy qasıetteri dáleldep tur. Sportshylar – el sportynyń jańa býyny. Biz olardyń qysqy jastar Olımpıadasynda óner kórsetýin asyǵa kútemiz. Sonymen qatar jas sportshylar Oıyndarǵa qatysý arqyly tek tájirıbe jınap qana qoımaı, óz sheberlikterin shyńdaý jolynda qundy sabaq alady dep úmittenemiz, — dedi sport fýnkıoneri.

IV qysqy jastar Olımpıadasy 19 qańtardadan 1 aqpanǵa deıin Ońtústik Koreıanyń Kanvon provınııasynda bolady. Azııa qurlyǵynda alǵash ret uıymdastyrylyp jatqan jastardyń qysqy Olımpıadasyna álemniń 50 elinen 1800 sportshy qatysady dep josparlanǵan. 7 sport túrinen (15 baǵdarlama) 81 medal jıyntyǵy sarapqa salynady. Qazaqstan quramasynyń 42 sportshysy 5 sport túri boıynsha baq synaıdy.