Endi legıonerlerge shekteý alynyp tastalady – QFF prezıdenti (VIDEO)

Qazaqstan fýtbol federaııasynyń prezıdenti Ádilet Bármenqulov shetel legıonerlerine qatysty málimdeme jasady.

Ol bıyldan bastap fýtbolda shetel legıonerlerine qoıylatyn shekteýdiń alynyp tastalatynyn aıtyp, onyń tıimdi, ıaǵnı qazaq fýtbolyna paıdaly jaǵyn túsindirip berdi.

Sońǵy on bes jylda legıonerlerdiń úlesine baılanysty túrli eksperıment boldy. Alaıda ol aýyz toltyryp aıtarlyqtaı nátıje bermedi. Ony ózderińiz de kórip, jaqsy bilip otyrsyzdar.

Sondyqtan biz sońǵy eki jylda saraptama júrgizip, ereje qabyldadyq, — dedi ol.

Onyń aıtýynsha, eger buryn alańǵa 7 legıoner shyǵatyn bolsa, endi olardyń sanyna shekteý alyp tastalady. Biraq ótinish bergen kezde 25 fýtbolshynyń 13-i Qazaqstan fýtbolynyń ókili bolady. Bul aldymen básekelestikti arttyrady. Demek, fýtbol damıdy.

Ekinshiden, kásibı fýtbol klýbtaryn agentterdiń kóleńkeli júıesinen qorǵaıdy. Naryqtyq eńbekaqy júıesi jasalyp, jalaqyny jasandy kóbeıtý bolmaıdy.

Úshinshiden, halyqtyń fýtbolǵa degen qyzyǵýshylyǵy artady. Stadıondar jankúıerge tolady. Demek, jańa zamanaýı stadıondardyń qurylysyna qajettilik paıda bolady.

Osylaısha, halyqtyń chempıonatqa degen qyzyǵýshylyǵy artsa, biz ınvestorlardyń da qyzyǵýshylyǵyn oıatamyz. Sonda ǵana biz fýtboldy memlekettik qarjylandyrýdan góri, jeke kásipkerlerdiń ınvestıııasymen qarjylandyra alamyz. Osy oıymyz iske assa, biz fýtboldyń bıznes ındýstrııasyn quratyn bolamyz.  Ol klýbtyń jumysyna da paıdasyn tıgizip, fýtbolshylarǵa motıvaııa berip, súıikti isimen aınalysýǵa talpynysyn oıatady.

Bul ózgerister klýbtardyń balalar fýtbolyn da qarjylandyrýǵa septigin tıgizedi. Olar óz oıynshylaryn tárbıelep, transfer arqyly qarjy taba alady, — dedi Ádilet Bármenqulov.

Osy rette QFF basshysy erejedegi ózgerister ulttyq quramanyń oıyndaryna da áser etetinin, sonda ǵana elimizdiń bas komandasy barynsha Qazaqstan azamattarynan jasaqtalatynyn aıtty.  Ulttyq quramanyń oıynshylaryn Qazaqstan azamattarynan jasaqtaý —  federaııanyń negizgi ustanymy, dedi ol sóz sońynda.

Dastan KENJALIN,

ASTANA

 

View this post on Instagram

 

A post shared by Adlet Barmenkulov (@a.barmenkulov)