«Parı Sen-Jermen» Mbappege qatysty málimdeme jasady

Franııanyń «Parı Sen-Jermen» klýby ulttyq quramanyń shabýylshysy Kıllıan Mbappeni basqa komandaǵa aýysýyna qatysty málimdeme jasady.

Klýbtyń prezıdenti Nasser Ál-Helaıfı forvardty «PSJ» quramynda qaldyryǵysy keletinin aıtty.

Men Kılıannyń klýbymyzda qalǵanyn qalaımyn. Ony eshqaıda jibirgim kelmeıdi. Ol álemdegi eń myqty oıynshy. Meniń oıymsha, Kılıan úshin «PSJ» komandasynan artyq klýb joq. Mbappe úshin eń jaqsy klýb — ol bizdiń komandamyz. Men oǵan senimin. Odan endi basqa klýb týraly suraı bermeńizdershi. Ony jónine qaldyryńyzdarshy. Biz bárimiz bir otbasynyń adamdary sııaqtymyz, — dedi ol.

Komanda basshysy Mbappeden taǵy da basqa klýbqa aýysýy týraly suramaýdy ótindi.

Ásirese, BAQ men sizderge aıtamyn, jaǵdaıdy ýshyqtyra bermeńizder, — dedi Franııa klýbynyń tegi arab ıesi Ál-Helaıfı.

Eske salsaq, buǵan deıin Kıllıan Mbappeniń bıylǵy maýsym aıaqtalysymen Madrıdtiń «Real» klýbyna aýysatyny týraly áńgime shyqqan edi. Ony fýtbolshynyń ózi de jasyrmaı aıtqan bolatyn.

Qazir Mbappe Franııa chempıonatynda mergender kóshin bastap keledi. Ol 16 oıynda 18 goldyń avtory atanyp otyr. Bes ret 11 metrlik aıyp dobynan qaqpany dál kózdepti.

Dastan KENJALIN,

ASTANA