Kıpr klýby Maksım Samorodovty komandaǵa shaqyrdy

Kıprdyń «Krasava» fýtbol klýbynyń prezıdenti Evgenıı Savın ulttyq qurama men «Aqtóbe» klýbynyń shabýylshysy Maksım Samorodovty komandaǵa shaqyrdy.

Ol fýtbolshyny «Krasava» jasaǵyna satyp alǵysy keletinin aıtty.

Maks, beri qarashy. Men saǵan mynadaı usynys aıtqym keledi. Sen usynystan bas tartpaıdy lep oılaımyn. Endi ol jaǵyn óziń kóresiń. Bıylǵy maýsymda «Krasava» joǵarǵy lıgaǵa shyqsa, sen bizge kelesiń. Chempıonatta 20 gol salsań, Italııanyń «Torıno» klýbyna ketesiń. Biz aqsha tabý úshin seni «Torınoǵa» satamyz. Endi ol jaǵyn óziń jaqsy túsinesiń ǵoı, — dedi Kıpr klýbynyń basshysy áleýmettik jelidegi paraqshasynda.

Ázirshe Samorodov usynysqa jaýap bergen joq. Qazir ol «Aqtóbeniń» quramynda Túrkııada oqý-jattyǵý jıynynda júr. Al «Krasava» klýbyna kelsek, bul komanda 2020 jyly 8 jeltoqsanda Reseıde qurylǵan. Reseıde bir jarym jyl komanda retinde tirkelip,  Fýtbol ulttyq lıgasynyń ekinshi dıvızıony men el kýbogy jolyndaǵy jarystarda oınaǵan. 2022 jyly 31 mamyrda komanda Reseıden ketip, Kıprge qonys aýdardy. Klýbtyń basshysy da kezinde fýtbolshy bolǵan. Ol 1996 jyldan 2006 jylǵa deıin Reseıdiń 15 shaqty komandasynda dop tepken. 2006 jyly Reseıdiń 21 jasqa deıingi jastar quramasynda bir ret jasyl alańǵa shyqqan.

«Match TV» telearnasynda fýtbol oıyndarynyń kommentatory bolyp isteıdi. Savınniń jeke You tube arnasy da bar. Ol Krasava dep atalady.

Dastan KENJALIN,

ASTANA