Mınıstr Olımpıada qalashyǵyndaǵy sportshylardyń jaǵdaıymen tanysty (VIDEO)

Týrızm jáne sport mınıstri Ermek Marjyqpaev pen Ulttyq Olımpıada komıtetiniń basshylyǵy Kanvon provınııasynyń Kannyn qalasyndaǵy Olımpıada qalashyǵyna baryp, sportshylar jáne jattyqtyrýshylarmen kezdesti, dep habarlady vedomstvo.

Ermek Marjyqpaev IV qysqy Jasóspirimder Olımpıadasyna qatysýǵa kelgen atletterimiz ornalasqan bólmelerdi aralap, jalpy jınalys ótkizdi.

Bárińizdi osynda, jarys ótetin jerde kórgenime qýanyshtymyn. Qanshama qonaq pen sportshylardyń kelgenin ózderińiz kórip jatyrsyzdar. Barlyǵy 70-ten astam elden 1800-ge jýyq sportshy bar. Sizderge kúndelikti tynymsyz eńbektiń arqasynda osynda kelýdiń sáti tústi. Otbasylaryńyz, jankúıerler men búkil Qazaqstan sizderge kóz tigip, qoldaý kórsetip otyr. Aıtarym, tek qana alǵa!, — dedi Ermek Marjyqpaev.

Osydan keıin Olımpıadaǵa daıyndyq boıynsha shtabtyń basshysy mınıstrge delegaııanyń jumysy týraly baıandady. Delegaııa ókilderi qazirgi tańda Qazaqstannan keletin sportshylardyń ekinshi kezegin qalashyqqa ornalastyrý, jattyǵý kestesin úılestirý boıynsha jumys istep jatyr.

Jıynnan keıin Ermek Marjyqpaev delegaııanyń jaýapty ókilderine komandaǵa barlyq jaǵdaı jasaýǵa atsalysýdy tapsyrdy.

Aıta keteıik, IV qysqy Jasóspirimder Olımpıadasynyń saltanatty ashylý rásimi búgin 19 qańtarda Kannyn qalasyndaǵy konkımen júgirý sport kesheninde (Gangneung Oval) bolady. Al jabylý saltanatyn 1 aqpanda Gangneung Olympic Park sport kesheni qabyldaıdy.

Kanvon-2024 oıyndaryna 14 pen 17 jas aralyǵyndaǵy álemniń 80-ge jýyq elinen kelgen 1800 sportshy qatysady. Munda 7 sport túriniń 15 baǵdarlamasy boıynsha 81 medal jıyntyǵy sarapqa salynady. Qazaqstan namysyn 5 sport túrinen 41 atlet qorǵaıdy.