SportPress.kz Qazaqstan sport jańalyqtary
«Semeı» fýtzal klýby brazılııalyq sportshy Lýkas Mateýs de Kampospen kelisimshart jasady. Brazılııanyń azamaty klýbta oınaıtyn Ońtústik Amerıkanyń besinshi oıynshysy bolady, dep habarlady «Semeı» fýtzal klýby.
21 jastaǵy shabýylshy buǵan deıin «Chopınzıno», «Es Madýreıra» men «Pında» sııaqty klýbtarda oınaǵan. Sondaı-aq, Lýkas Mateýs de Kampos 2019 jyly Karıoka chempıonatynda jáne BR kýbogynda dop tepken. 2022 jyly Brazılııa kýbogynyń arnaıy dıvızıony ataǵyn jeńip alǵan.
Men bul komandaǵa qosylýǵa múmkindik alǵanyma óte qýanyshtymyn. Komanda meni jyly qabyldap, alǵashqy kezdesýde jaǵymdy áser qaldyrdy. Men Qazaqstanda oınap júrgen brazılııalyq fýtzalshylarmen habarlasyp, Semeıde jańa jobany talqyladyq. Bul men úshin óte úlken múmkindik. Mundaǵy basty maqsatym — Qazaqstan chempıony bolý. Mende qazir motıvaııa, nıet bári bar. Men osy maqsatqa jetý úshin bar kúshimdi salýǵa daıynmyn, — dedi Lýkas Mateýs de Kampos.
«Semeı» fýtzal klýbynyń sport dırektory Aslan Smaqovtyń aıtýynsha,komandaǵa Lýkaspen kelisimshart jasaý úshin 2,5 aı ýaqyt ótti.
Kelisimshartty biraz ýaqyt taldadyq. Sosyn qol qoıyldy. Daıyndyq kezinde biz onyń oıyn daǵdylaryn muqııat zerttedik, shabýylda da, qorǵanysta da onyń ónerin taldadyq, parkette de, kúndelikti ómirdegi minez-qulqyn baǵaladyq. Biz sondaı-aq medıınalyq kórsetkishterdi, statıstıkany jáne biz úshin mańyzdy sanattardyń biri — oıynshynyń adamı qasıetterin eskerdik, — dedi ol.
Aıta keteıik, «Semeı» fýtzal klýby jarty jyl buryn quryldy. Osy ýaqytta Qazaqstan kýbogynda kúmis medalge ıe boldy. Qazaqstan chempıonatynda «Semeı» fýtzal klýby týrnır kestesinde úshinshi orynǵa turaqtap, klýbtyń deńgeıin kórsetti.
Qazirgi ýaqytta fýtzal klýby fýtzal arenasyna kirip qana qoımaı, birden ulttyq jarystarda joǵary oryndar úshin kúresýge qabiletti qarsylasqa aınaldy.
