Andreı Shevchenko Ýkraına fýtbol qaýymdastyǵynyń basshysy boldy

Ýkraınanyń ataqty fýtbolshysy Andreı Shevchenko jańa qyzmetke taǵaıyndaldy. Ol Ýkraına fýtbol qaýymdastyǵynyń prezıdenti bolyp saılandy.

Bul qyzmetke Shevchenko jalǵyz úmitker boldy. Buǵan deıin qaýymdastyqty Andreı Pavelko basqardy. Ol byltyr qarajat jymqyrdy degen kúdikpen uıymnan alastatyldy.

Andreı Shevchenko 19876 jyly Kıev oblysynda týǵan. 47 jasta. Ol — Kıevtiń «Dınamo» fýtbol klýbynyń túlegi. 1986-1993 jyldary osy klýbtyń jastar jasaǵynda oınap, 1993-1999 jyldary, sosyn 2009-2012 jyldary eresekter komandasynda dop tepken. 1996-2006, 2008-2009 jyldary Italııanyń «Mılan» klýbynda, 2006-2009 jyldary Anglııanyń «Chelsı» jasaǵynda óner kórsetken.

2004 jyly «Mılan» klýbynyń sapynda álemniń úzdik fýtbolshysyna beriletin «Altyn dop» syılyǵyn alǵan.

1993-2012 klýbtarda oınaǵan kezde alańǵa 442 ret shyǵyp, 221 gol salǵan. Sonyń ishinde Kıevtiń «Dınamosynda» 168 match oınap, 82 goldyń avtory atanǵan. «Mılanda» oınaǵanda 226 matchqa qatysyp, 130 ret qaqpany dál kózdegen. Al «Chelsıde» 48 ret komandanyń jeıdesin kıip, 9 dopty torǵa týlatqan.

Shevchenko 1994-1995 jyldary Ýkraınanyń 18 jáne 21 jasqa deıingi ulttyq qurama komandalarynyń sapynda 15 ret alańǵa shyǵyp, 13 gol salǵan. Osydan keıin ol 1995 jyly birden eresekter quramyna shaqyrylyp, 2013 jylǵa deıin oınady. Osy ýaqytta 111 ret ulttyq quramanyń jeıdesinde oınap, 46 goldyń avtory bolǵan.

2016-2021 jyldary Ýkraına ulttyq quramasy bas jattyqtyrýshysy bolyp qyzmet etti. Sodan keıin qazirgi kúnge deıin Italııanyń «Djenoa» klýbynyń bas bapkeri boldy.

Shevchenkonyń jetekshiligimen fýtbolshylar 2021 jylǵy Eýropa chempıonatyna joldama alyp, shırek fınalǵa jetken bolatyn. Al ózi 2006 jyly ulttyq quramada sapynda álem chempıonatynyń ¼ fınalynda oınaǵan.

Dastan KENJALIN,

ASTANA