V Dúnıejúzilik kóshpendiler oıyndarynyń volonterlik baǵdarlamasy tanystyryldy

Astananyń birqatar ýnıversıtetterinde stýdentterge V Dúnıejúzilik kóshpendiler oıyndarynyń volonterlik baǵdarlamasy tanystyryldy, dep habarlady Týrızm jáne sport mınıstrligi.

Jıyndarda Dúnıejúzilik kóshpendiler oıyndaryn daıyndaý jáne ótkizý jónindegi dırekııa basshylyǵy volonterlerdiń osy oıyndarǵa úles qosýǵa múmkindigi bar ekenin, eriktiler qyzmetiniń tájirıbe jınaýdaǵy jumysynyń mańyzdylyǵyn aıtty.  Sonymen qatar volonterlerge qoıylatyn talap, ereje, irikteý kezeńderi týraly málimet jan-jaqty túsindirildi.

Jastardyń eriktiler jasaǵy – sporttyq jáne mádenı sharalardyń mańyzdy bóligi. Meımandy qarsy alý, olarǵa jol kórsetip, baǵyt silteý, sheteldikterge aýdarmashy bolý sııaqty kózge kórinbeıtin istiń bárinde volonter júredi. Bylaısha aıtqanda, erikti degenimiz ózara rııasyz kómek pen patrıotızmniń, qoǵamǵa jáne elge paıdaly adam bolýdyń jarqyn úlgisi. Derek úshin aıtsaq, EXPO-2017 kórmesine 7000-nan astam erikti qatysty. Qysqy Azııa oıyndarynda da jas órenderimiz volonter retinde belsendilik tanytty, — delingen mınıstrliktiń habarlamasynda.

V Dúnıejúzilik kóshpendiler oıyndaryna volonter bolýǵa nıet bildirýshiler https://worldnomadgames.kz/ saıty arqyly «Erikti bol» bólimine kirip, saýalnamany toltyrýy kerek. Barlyq talaptan súrinbeı ótken úmitker suhbatqa shaqyrylady. Volonter jumysyna 18 jastan asqan úmitker tańdalady.

Qosymsha Instagram, Tik Tok áleýmettik jelilerinde @Volunteer_nomadgameskz paraqshalarynd kórsetilgen. Sondaı-aq WhatsApp, Telegram-da 8 701 841 20 24 baılanys nómiri arqyly suraqtaryńyzdy joldaı alasyzdar, — delingen habarlamada.

Kóshpendiler oıyndary bıyl Astanada 8-15 qyrkúıek aralyǵynda  bolady.

Onda sporttyń 20 túrinen jarystar uıymdastyrylady. Oǵan álemniń 100-den asa elinen 4 myńǵa jýyq ókil qatysady.

«Qazanat» ıppodromynda jáne etnoaýyl aýmaǵynda at jarysy, dástúrli sadaq atý jáne qustarmen ań aýlaý jarystary, Jaqsylyq Úshkempirov atyndaǵy jekpe-jek saraıy men «Alaý» muz aıdyny saraıynda ulttyq kúres túrleri men halyq oıyndary boıynsha jarystar, «Dýman» kesheninde dástúrli zııatkerlik oıyndar ótedi.