Olımpıadaǵa daıyndyq oıdaǵydaı – Dıas Ahmetshárip (FOTO)

Bıyl tórt jylda bir aınalyp keletin jazǵy Olımpııalyq oıyndardyń jalaýy 33 ret kóteriledi. Bul dúrmekti doda Franııanyń astanasy – Parıj qalasynda 26 shilde men 11 tamyz aralyǵynda bolady.

Tórtjyldyqtyń basty dodasyna álemniń 205 elinen 10 myńnan astam sportshy qatysady dep josparlanǵan. Parıjdegi dodada 32 sport túrinen 329 medal jıyntyǵy sarapqa salynady.

Qazir Qazaqstan ulttyq quramasynyń qorjynynda sporttyń 8 túrinen Parıj Olımpıadasynyń 19 lıenzııasy bar. Sportshylar sadaq atýdan – 4, veloshosseden – 3, nysana kózdeýden – 5, qazirgi bessaıys pen bokstan eki-ekiden, grek-rım kúresi, erkin kúres pen sporttyq gımnastıkadan bir-bir lıenzııany jeńip aldy.

Olımpıadaǵa lıenzııa alǵan sportshylarymyz oǵan daıyndyqty jan-jaqty bastap ketti. jatyr. Al áli joldama almaǵan otandastarymyz jazǵa deıin halyqaralyq týrnırler men qurlyqtyq chempıonattarǵa qatysyp, lıenzııa alýǵa kúsh synasady. Týrızm jáne sport mınıstrliginiń málimetine qaraǵanda, Olımpııa oıyndaryna deıin 69 lıenzııalyq jarys qaldy. Onyń ishinde 5 álem chempıonaty, 7 Azııa chempıonaty men 57 reıtıngtik týrnır bar.

Olımpıadaǵa joldama beretin jarystyń biri — jaqyn arada bokstan Italııanyń Býsto-Arsııo qalasynda bolady. Bul synǵa 114 elden 668 sportshy qatysady. Oǵan ulttyq quramany bas jattyqtyrýshy Myrzaǵalı Aıtjanov bastap barady.

Jaqynda Astanada Týrızm jáne sport mınıstrligi janynan sportshylardyń halyqaralyq týrnırlerde sátti óner kórsetip, Olımpıadaǵa múmkindiginshe kóp lıenzııa alýyna jaǵdaı jasaý úshin jedel shtab qurylǵan bolatyn. Shtabtyń basshysy bolyp kóp jyl sport salasyn basqarǵan belgili sport qaıratkeri Elsııar Qanaǵatov, al onyń orynbasary bolyp belgili jýrnalıst, sport mamany, Týrızm jáne sport mınıstriniń Ermek Marjyqpaevtyń keńesshisi Dıas Ahmetshárip taǵaıyndaldy.

Búgin biz mınıstrliktiń janynan qurylǵan osynaý shtabtyń jumysy men qyzmetimen tanysyp, shtab basshysynyń orynbasary Dıas Ahmetshárippen suhbattastyq.

-Dıas Sovetqalıuly, bıyl Olımpıada jyly bolyp otyr. Onyń birinshisi jaqynda Koreıa Respýblıkasynyń Kanvon provınııasyndaǵy Kannyn qalasynda boldy. Onda Azııa qurlyǵynda jasóspirimderdiń alǵashqy Aq Olımpıadasy jalaý kóterdi. Ekinshi taǵy bir úlken Olımpıada jaz aılarynda Franııanyń Parıj qalasynda bolady. Meniń suraıyn degenim, shtab Olımpıada qarsańynda qurylǵan kezde jumysy qalaı bastaldy? Shtab qashan ashyldy?

-Byltyr Qytaıdyń Hýanchjoý qalasynda ótken jazǵy Azııa oıyndarynan keıin memleket basshysy Qasym-Jomart Toqaev Azıadanyń jeńimpazdary men júldegerlerin qabyldaǵan kezde Týrızm jáne sport mınıstrligine tapsyrma bergen bolatyn. Ol eń aldymen sportty basqarý ınstıtýttarynyń basyn biriktirýdi tapsyrǵan edi. Iaǵnı, Týrızm jáne sport mınıstrligi, Ulttyq Olımpıada komıteti men sport túrleri federaııalarynyń basyn qosyp, birge jumys isteýdi tapsyrdy. Bul degenimiz bir jaǵadan bas, bir jeńgen qol shyǵaryp jumys isteý degen sóz. Prezıdenttiń tapsyrmasyn oryndaýǵa baılanysty mınıstrlik 4 qańtarda resmı túrde shtabtyń tusaýyn kesti.

Shtab Astanadaǵy Jekpe-jek saraıynda ashyldy. Ol 150 sharshy metrdi alyp jatyr. Sol kúni shtab óz jumysyn bastady.

Kanvonǵa baratyn sportshylar osy shtabtan attandy. Tý ustaýshylar men basqa da sportshylar ant berip, olımpıadashylardy shyǵaryp saldyq.

Shtabqa neshe adam qyzmetke alyndy? Olardyń mindeti qandaı?

-Shtabqa alty adam múshe. Onyń basshysy — Elsııar Baımuhameduly Qanaǵatov. Shtabqa Týrızm jáne sport mınıstrligi, Ulttyq Olımpıada komıteti men sport túrleri federaııasynyń ókilderi kiredi. Sonymen birge oǵan bokstan Olımpıada chempıony Serik Sápıev te múshe. Árqaısynyń óz mindeti bar. Árkim óz jumysymen aınalysady.

Shtab – Týrızm jáne sport mınıstrligi, Ulttyq Olımpıada komıteti jáne sport federaııalarynyń Olımpıadaǵa birigip jumys isteý úshin qurylǵan ýákiletti organ. Onyń negizgi jumysy – sportshylardyń aldaǵy jarystarǵa jaqsy daıyndyǵyn qamtamasyz etý.

Bizdiń basty maqsatymyz – aldaǵy Olımpııalyq oıyndarǵa barsha sportshylar men ulttyq quramalardyń jumysyn úılestirip, barlyq másele boıynsha ortaq sheshim qabyldaý.

Shtab barlyq keshendi jarystar aıaqtalǵanǵa deıin turaqty negizde jumys isteıtin bolady.

-Shtabtyń tehnıkalyq jaraqtanýy qalaı? Sportshylar shtabtyń jumysyn qalaı baǵalap jatyr? Kanvon Olımpıadasy kezinde qandaı jumys istelindi?

-Shtabta kerek-jaraqtyń bári bar. Jumysqa kerekti ınternet, kompıýter bolsyn shtab bárimen qamtamasyz etilgen. Biryńǵaı qońyraý ortalyǵy da jumys isteıdi. Biz shtab ashylǵannan keıin qańtarda aldymen Koreıanyń Kanvon provınııasynda jasóspirimder arasynda ótken Olımpıadaǵa daıyndalyp, ótkizdik.

Shtab óz jumysyn kórsetti. Olımpıadadan jan-jaqty aqparat tarattyq. Odan keıin akkredıtaııa máselesimen aınalystyq. Sportshylar kıimderdi shtabtan aldy. Barlyq úılestirý jumystaryn ótkizdik. Sonymen qatar Kanvonnyń aldynda biz Koreıa Respýblıkasynyń Qazaqstandaǵy tótenshe jáne ókiletti elshisimen kezdesý uıymdastyrdyq. Onymen kelissóz ótkizdik. Elshi bizge Kanvon Olımpıadasynyń boıtumaryn syılady. Sóıtip, ekijaqty kelissózden keıin Týrızm jáne sport mınıstri Ermek Boranbaıuly Marjyqpaev Koreıaǵa barǵan kezde sol eldiń sport mınıstrimen kezdesti.

Endi alda Parıj Olımpıadasyna tikeleı daıyndyq bastalyp ketti.

-О́tken Olımpıadalardyń qarsańynda qurylǵan shtabtardan qazir sizder jumys isteıtin shtabtyń aıyrmashylyǵy, ereksheligi bar ma?

-Jalpy, buryn Olımpıadaǵa aldynda mundaı ortalyqtandyrylǵan shtab bolmaǵan edi. Buǵan deıin mınıstrlik ózine tıesili máselemen aınalysyp, soǵan jaýap beretin. Ulttyq Olımpıada komıteti ózine júktelgen mindettermen aınalysatyn. Sport túrleri federaııalary da solaı óz jumystaryn atqara beretin. Al endi bıyl prezıdenttiń tapsyrmasymen qurylǵan shtab barshamyzǵa jumysty jeńildetedi degen oıdamyz. Jumysty jeńildetýdi Kanvon Olımpıadasy da kórsetti. Endi aldaǵy Parıj Olımpıadasyna da osy shtabtyń paıdasy da kómegi de tıedi dep oılaımyn. Basty aıyrmashylyǵy osy. Buryn mundaı ortalyqtandyrylǵan shtab bolmaǵan.

-Byltyr Azııa oıyndary kezinde sportshylardyń kıimderine qatysty daý shyqqan edi. Bıylǵy Parıj Olımpıadasyna sportshylardyń kıimderin kim tigedi?

-Kıim úlgisine keletin bolsaq, sporttyq epıkırovka ózderińiz kórgendeı, Kanvon Olımpıadasyna sportshylar men delegaııa múshelerine jaqsy kıim-keshek berdik. Kıimdi otandyq óndirýshi tikti. Sonymen birge biz balalarymyzǵa ulttyq nyshanda taqııa kıgizdik. Ony bári eskerdi, eledi. Ulttyq sıpattaǵy kıimderimiz bárin tánti etti. Olımpıadada júrgende bizdiń jasóspirim sportshylarymyzben bári sýretke tústi. О́te bir kórikti, kózge túsetindeı ádemi forma bolyp shyqty. Sportshylarymyzdyń syrtqy kıimi de kók baıraǵymyz tústes bolyp, kópshiliktiń kóńilin jaýlap aldy. Kıim óte sapaly boldy.

Shtabta sportshylarǵa kıimderge aldyn ala tapsyrylys berildi. Eger kıimderi syımaı nemese tar bolǵan kezde biz bárin ýaqytynda aýystyryp berip otyrdyq. Sóıtip, sporshylarymyz Olımpıaldaǵa tap-tııanaqty daıyn bolyp shyqty.

Parıj Olımpaıdasyna da solaı jumys isteımiz. Qazir sportshylardyń kıimderiniń erejesine qatysty zań jobasy daıyndalyp jatyr. Dızaın bekitiledi. Sosyn ony tigetin kompanııa anyqtalady. Oǵan ashyq konkýrs jarııalanady. Ol jaqyn arada sheshiletin másele. Qazir osynyń bári zerttelip, zań jaǵynan sheshildi. Árıne, biz aldymen otandyq ónimge kóńil bólemiz. Eger shetel kompanııalary nıet bildirse, sport kıimderin tigip berýdi qalsa, biz oǵan da qarsy bolmaımyz. Eń áýeli bizge kıim sapaly, kózge túsetindeı ádemi bolyp shyǵýy kerek.

Bizdiń sportshylar Parıj Olımpıadasynda eń bastysy, jaqsy óner kórsetip qana qoımaı, kıimderi de ádemi shyǵýy kerek dep oılaımyn. Osyǵan biz atsalysyp jatyrmyz.

-Shtabtyń aldaǵy jospary qandaı?

-Shtabtyń aldaǵy jospary týraly aıtsam, biz aı saıyn medıa jospar daıyndap otyrmyz. Aqpan aıyna qatysty aıtsam, Sportty damytý dırekııasy ókilderimen kezdesemiz.

15 aqpanda Týrızm jáne sport mınıstrliginiń úlken alqa májilisi bolady. Kollegııaǵa qatysamyz. Sol kúni oblystyq sport basqarma basshylarymen kezdesemiz.

Qazir Olımpıadaǵa joldama alýǵa múmkindigi zor sportshylar kóp. Olardyń kóbi oblystan da shyǵyp jatyr.  Mine, sol oblystardaǵy sport basqarmasy basshylarymen kezdesý josparlanyp otyr. Odan keıin Paralımpıada komıtetiniń ókilderimen de kezdesemiz. О́ıtkeni, shtab Olımpıadadan keıin Paralımpıada oıyndary kezinde de jumys isteıdi.  Bul kezdesý aqpan aıynyń sońyna deıin bolady. Sonymen birge aqpan aıyndaǵy taǵy bir mańyzdy kezdesý Týrızm jáne sport mınıstrimen josparlanǵan. Ony 23 aqpanǵa josparlap otyrmyz. Sol kúni shtabqa Franııanyń Qazaqstandaǵy tótenshe jáne ókiletti elshisi keledi. Ol mınıstrmen kezdesedi. Kezdesýde Parıj Olımpıadasy áńgime bolady. Onda elshilik pen bizdiń jaǵymyzdan qandaı usynystar bar, sonyń bári talqylanady.

Naýryz aıyna bólek jospar quratyn bolamyz.

-Áńgimeńizge rahmet!

Áńgimelesken, Dastan KENJALIN

ASTANA