Magomed Adıev Qazaqstan azamattyǵyna qatysty oıyn aıtty

Fýtboldan ulttyq qurama komandasynyń bas jattyqtyrýshysy, reseılik maman Magomed Adıev áli Qazaqstan azamattyǵyn alatyn oıy joq ekenin ashyp aıtty.

Ol Eýropa chempıonatyna joldama beretin matchtar aıaqtalǵan soń, Qazaqstan fýtbol federaııasynan kelisimshartty uzartý týraly usynys túspese, óz Otany – Reseıge qaıtyp ketetinin jasyrmady. Onyń aıtýynsha, bar másele Qazaqstan azamattyǵyn alýǵa tirelip turǵan joq. Ol Qazaqstandy Eýro-2024 týrnırine shyǵaryp, otandastarymyzǵa úlken syı jasaǵysy keledi. Biraq bárin ýaqyt kórsetedi.

Qazir azamattyqty talqylaıtyn ýaqyt emes. Biz aldymen Eýropa chempıonatyna joldama alýdy oılaýymyz kerek. Ári qaraı en bolatynyn ýaqyt kórsetedi. Alaıda men Qazaqstan azamattyǵyn alamyn dep aıta almaımyn. Meniń óz Otanym bar. Ol – Reseı.

Qazir bizge oıyndarǵa daıyndalý qajet. Mende de, Qazaqstan fýtbol federaııasynda da azamattyǵyma qatysty másele tirelip turǵan joq. Iá, azamattyq týraly sóz bolǵan. Qaı kezde bolǵanyn umytyp qalyppyn, — dedi ol.

Ol azamattyq týraly oılamaıtynyn aıtty.

Men — óz elimniń azamatymyn, Groznyıda týǵanmyn. Sol jerde týyp-óstim, endi qarttyqty da sol jerde qarsy alýym kerek shyǵar. Qalaı oılaısyz?!, — dedi ol Sport24-ke.

Sonymen birge ol Reseı men Qazaqstannyń fýtbolyn salystyryp, ekeýiniń arasy jer men kókteı ekenin tilge tıek etti. Onyń pikirinshe, Sank-Peterbýrgtiń «Zenıt» klýby premer-lıgada oınasa, sózsiz qatarynan on dúrkin el chempıony bolar edi.  Reseıde fýtbol jaqsy damyp jatyr. Ondaǵy ınfraqurylym Qazaqstandaǵy stadıondar men basqa da fýtbol alańdarynan myń ese artyq.

46 jastaǵy reseılik maman 2022 jyldan beri elimizdiń bas komandasyn jattyqtyryp keledi. Sol kezden beri Adıevtiń jasaqtap kele jatqan ulttyq qurama halyqaralyq arenada laıyqty óner kórsetip jatqanyn aıtý kerek.

Qazir Qazaqstan ulttyq quramasy Eýropa chempıonatyna joldama beretin matchtarǵa daıyndyqty bastap ketti. Elimizdiń bas komandasy oqý-jattyǵý jıynyn Túrkııada emes, Birikken Arab Ámirlikterinde ótkizetin bolyp sheshildi.

Qurama komanda BAÁ-de 8 naýryzda jınalyp, 14 naýryzda Túrikmenstan quramasyna qarsy joldastyq match ótkizedi.

Qazaqstan quramasy Arab Ámirlikterinde Eýropa chempıonatyna Ulttar lıgasy arqyly beriletin joldamany alý úshin daıyndalady.

21 naýryzda «Tórttik týrnırinde» syrt alańda Grekııamen match bolady. Ekinshi jartylaı fınalda Grýzııa men Lıýksembýrg kezdesedi. Osy matchtarda jeńgen komandalar bir-birimen fınalda kezdesip, oıyndy jeńgen qurama Eýropa chempıonatyna joldama alady. Eger Qazaqstan quramasy Grekııa komandasyn jeńse, onda óz alańynda Grýzııa-Lıýksembýrg matchynda jeńgen jasaqpen kezdesedi. Bul múmkindik elimizdiń bas komandasyna 2022-2023 jyldardaǵy maýsymda Ulttar lıgasyndaǵy S tobynda 1-oryn alǵany úshin berilip otyr.

Jaqynda Franııanyń Parıj qalasynda ótken 2024-2025 jylǵy UEFA Ulttar lıgasynyń jerebesi bolǵanda ulttyq qurama V lıgasynda Aýstrııa, Norvegııa, Slovenııa quramalarymen birge bir topqa tústi.

Dastan KENJALIN,

ASTANA