Ulttar lıgasy: Grekııa – Qazaqstan matchynyń bıletteri onlaın satylymǵa shyqty

21 naýryzda Afına qalasynda fýtboldan Grekııa men Qazaqstan ulttyq qurama komandarynyń matchynyń bıletteri onlaın satylymǵa shyqty.

Bul match Ulttar lıgasynyń «Tórttik týrnıri» dep atalyp ketken pleı-off kezeńiniń aıasynda bolady. Oǵan Qazaqstan, Grekııa, Grýzııa men Lıýksembýrgtiń komandalary qatysyp, Eýropa chempıonatyna beriletin jalǵyz joldamany sarapqa salady.

21 naýryzda Grekııa men Qazaqstan jartylaı fınalda kezdesedi. «Ekinshi jartylaı fınalda Grýzııa men Lıýksembýrg oınaıdy. Osy matchtarda jeńgen komandalar bir-birimen fınalda kezdesip, oıyndy jeńgen qurama Eýropa chempıonatyna joldama alady. Eger Qazaqstan quramasy Grekııa komandasyn jeńse, onda óz alańynda Grýzııa-Lıýksembýrg matchynda jeńgen jasaqpen kezdesedi. Bul múmkindik elimizdiń bas komandasyna 2022-2023 jyldardaǵy maýsymda Ulttar lıgasyndaǵy S tobynda 1-oryn alǵany úshin berilip otyr.

Grekııa men Qazaqstan matchyna bıletterdi ticketon.kz saıtynan satyp alýǵa bolady. Jankúıer oıynǵa bıletti onlaın satyp alsa, bron jasap, bıletterdi qaǵaz túrinde Afınada match aldynda alady.
Sondaı-aq, Grekııanyń zańyna sáıkes bılette satyp alýshynyń aty-jóni men pasport nómiri jazylýy tıis.
Barlyq aqparat satyp alýshynyń elektrondy poshtasyna jiberiledi.

Grekııa men Qazaqstan matchy Afına ýaqytymen saǵat keshki 21:45 -te, al Astana ýaqytymen saǵat túngi 00:45 bastalady.

Match Agia Sophia Stadium stadıonynda bolady.

Qazirge deıin qurlyqtyq dodanyń fınaldyq satysyna Franııa, Portýgalııa, Belgııa, Ispanııa, Shotlandııa, Túrkııa, Anglııa, Aýstrııa, Vengrııa, Slovakııa, Albanııa, Danııa, Nıderland, Shveıarııa, Rýmynııa, Serbııa quramalary shyqty. Al Germanııa chempıonatty uıymdastyrýshy el retinde irikteýsiz qatysady.

Ulttyq qurama Eýropa chempıonatynyń irikteý týrnırinde Danııa (3:2) men Fınlıandııa (1:0) komandalaryn bir márte jeńse, Coltústik Irlandııa (1:0, 1:0) men San-Marıno (3:0, 3:1) quramalarynan eki ret basym tústi. Danııa (1:3), Slovenııa (1:2, 1:2), Fınlıandııaǵa (0:1) ese jiberdi.

Qazaqstan ulttyq quramasy Eýropa chempıonatyna joldama beretin matchtarǵa daıyndyqty bastap ketti.

Qurama komanda BAÁ-de 8 naýryzda jınalyp, 14 naýryzda Túrikmenstan quramasyna qarsy joldastyq match ótkizedi.

Dastan KENJALIN,

ASTANA