Bolmaǵan saılaýdyń qorytyndysyn bir apta buryn jarııalaý — qııanat!

Keshe belgili jazýshy, pýblııst, Qazaqstan Repýblıkasynyń eńbek sińirgen qaıratkeri, Qazaqstan Respýblıkasynyń eńbek sińirgen sport qaıratkeri Nesip Júnisbaıulynyń Ulttyq Olımpıadalyq komıtetiniń prezıdenti qyzmetine birneshe ataqty sportshylardyń laıyq ekenin aıtyp, SportPress.kz aqparattyq-saraptamalyq sport saıtyna hat joldaǵan bolatyn.

Búgin qalamger UOK prezıdentigine saılaý týraly taǵy  bir pikirin jazyp, hat joldady. Oqyrmanǵa osy hatty jarııalaýdy jón kórip otyrmyz.

… Myna eki-úsh jazbamnan keıin maǵan biraz adam habarlasty: «Nesip,sen dalaǵa sóılep jatyrsyń, bar másele sheshilip qoıǵan!» dedi. Astapyralla! Saılaý bolǵan joq, Tımýr Qulybaev ornyn bergen joq, sonda ol qalaı bitken sharýa bolady? О́lmegen adamdy kómý, bolmaǵan saılaýdyń qorytyndysyn bir apta buryn jarııalaý — QIIaNAT qoı!

Demokratııaǵa bet alǵan adal, ádiletti qoǵamda bári ashyq oryndalýy kerek emes pe? Jaraıdy, qaıta saılanǵanyna jyl da tolmaǵan Qulybaevtyń ornyn bosatýy oryndy deıik, biraq onyń ornyna osy saladaǵy el biletin, el baǵalaıtyn birneshe adam ózderin osy qyzmetke usynyp, baǵdarlamalaryn talqylaýǵa jarııalap, sodan soń ataýly kúni SAILAÝǴA túspeı me eken?! Serik QONAQBAEV ta, Dáýlet TURLYHANOV ta, Islam BAIRAMÝKOV te, Serik SÁPIEV te bul qyzmetke ábden laıyq jáne men atamaǵan qanshama laıyqty tulǵalar bar — Baqtııar ARTAEV, Asqar ORAZALINOV, Ermahan IBRAIMOV, Ashat JITKEEV, Ashat ShAHAROV, Nurbaqyt TEŃIZBAEV, Ulan RYSQUL, Dıas DOSQARAEV… Táýba, sporttaǵy tulǵa bolýǵa laıyq jigitter barshylyq. Al, osyndaı mańyzdy másele sportshy qaýym arasyndaǵy keń TALQYLAÝǵa nege túspedi? Kim ol sheshimdi kópshilikke salmaı qabyldaı salǵan? Muny el prezıdentine jetkizý kerek. Jas Úkimet sharýashylyqpen aınalysqany jón,elimizdiń Parlamenti muny bir talqylap alsa nur ústine nur bolar edi. Sonymen qatar, osy salalarǵa únemi nazar salyp otyrýǵa tıis memlekettik hatshy da máseleniń mán-jaıynan qabardar bolyp, óz yqpalyn tıgizgeni jón.

…Maǵan «Dalaǵa sóılep otyrsyń…» degenderdiki beker bolar. Ádiletti demokratııalyq JAŃA QAZAQSTAN quramyz dep jatqan elde ondaı oılanbaǵan sheshim bola qoımas. Bir adamnyń aıtqany túkirigi jerge túskenshe oryndala beretin zamannan óttik,barlyq sheshim zań aıasynda sheshiledi dep Prezıdentimizdiń ózi aıtqan joq pa?! Olaı bolsa, elimiz úshin erekshe mańyzdy qyzmet bop tabylatyn QR Ulttyq Olımpıadalyq komıtetiniń prezıdenttigin saılaý da sol ádiletti Zań men sol salaǵa baılanysty Ereje aıasynda ótedi dep kúteıik.

Nesip JÚNISBAIULY,

sport jýrnalısi, jazýshy, sport qaıratkeri