«Ordabasy» Kásipqoı fýtbol lıǵasynyń kýbogyn jeńip aldy (VIDEO)

«Ordabasy» klýby Túrkııada ótken Winter Cup Qazaqstan Qysqy QKFL Qysqy kýbogynyń ıegeri atandy.

Shymkenttiń klýby fınalynda Qostanaıdyń «Tobyl» komandasyn matchtyń negizgi ýaqyty 0:0 esebimen aıaqtalyp, penaltıler serııasy berilgende 7:6 esebimen jeńdi.

«Ordabasy» kýboktyń ıegeri retinde 60 mln teńge syıaqy aldy. Al «Tobyl» 40 mln teńgege ıe boldy.

Endi «Ordabasy» men «Tobyl» 25 aqpanda Qazaqstan Sýperkýbogynyń fınalynda kezdesedi.

Týrnırdiń qola júldesin «Aqtóbe» komandasy ıelendi. Aqtóbelikter úshinshi oryn úshin matchta penaltı serııasynda Semeıdiń «Elimaı» klýbyn 3:2 esebimen jeńdi. Bul oıynnyń negizgi ýaqytynda qarsylastar 2:2 esebimen teń tarqasty.

Osy matchta Qazaqstan quramasy men «Aqtóbe» fýtbol klýbynyń jartylaı qorǵaýshysy Arman Keńesov jaraqat aldy. Ol oıynnyń 66-mınýtynda alańdaǵy ornyn bosatty. Fýtbolshynyń jaraqaty qanshalyqty aýyr ekeni belgisiz.

Dastan KENJALIN,

ASTANA

 

View this post on Instagram

 

A post shared by «ORDABASY» FK | FC ORDABASY 🔵⚪️ (@fc__ordabasy)