Bokstan áıelder quramasy Italııaǵa attandy (VIDEO)

Bokstan elimizdiń áıelder qurama komandasy 4-12 naýryz aralyǵynda Italııanyń Býsto-Arsııo qalasyna erler jáne áıelder arasynda Franııanyń Parıj qalasynda jalaýy kóteriletin jazǵy Olımpııalyq oıyndarǵa lıenzııa beretin halyqaralyq týrnırge qatysý úshin attandy.

Osy jerde Olımpıadaǵa 21 joldama sarapqa salynady.

Qazaqstan quramynda sharshy alańǵa 50 keli salmaqta Alýa Balqybekova, 54 kelide Jaına Shekerbekova, Rımma Volosenko (60 kg), Natalıa Bogdanova (66 kg), Valentına Halzova (75 kg) shyǵady.

Bas jattyqtyrýshy Shámil Safıýllın, Alýa Balqybekova (50 kg) men Jaına Shekerbekova (54 kg) Apennın túbegine Almaty arqyly attansa, Rımma Volosenko (60 kg), Natalıa Bogdanova (66 kg), Valentına Halzova (75 kg) men basqa da jattyqtyrýshylar alqasy Astana arqyly ushty.

Týrnır aldynda boksshylarymyz Italııanyń Assızı qalasynda bir aptalyq oqý-jattyǵý jıynyn ótkizedi. Oǵan Qazaqstan quramasynan bólek, týrnırge qatysatyn 30-ǵa jýyq komandanyń boksshylary daıyndyqtaryn pysyqtaıdy.

Boksshylarymyzdyń daıyndyqtary jaqsy. Italııada qyzdarymyz aıanyp qalmaıdy. Jattyǵý jıynynda daıyndyǵymyzdy áli de pysyqtaımyz.  25 aqpannan bastap sparrıngtik kezdesýler ótkizemiz de, Býsto-Arsııo qalasyna 29 aqpanda shyǵamyz, — dedi Shámil Safıýllın.

Bokstan Qazaqstan quramasynyń qorjynynda ázirshe 2 joldama bar. Ony 2023 jylǵy jazǵy Azııa oıyndarynda asa aýyr salmaqtaǵy Qamshybek Qońqabaev pen áıelderden 57 keli salmaqta Karına Ibragımova jeńip aldy.

Eske salsaq, osy týrnırge erler quramasy da qatysady. Olar bes salmaqta qolǵap túıistiredi. Sharshy alańǵa Sáken Bıbosynov (51 kg), Mahmud Sabyrhan (57 kg), Muhammedsabyr Bazarbaıuly (63,5 kg), Aslanbek Shymbergenov (71 kg), Nurbek Oralbaı (80 kg) men Aıbek Oralbaı (92 kg) shyǵady.

Erlerde 28 joldama úlestiriledi. Al jalpy, týrnırge 114 elden 668 sportshy qatysady.

Dastan KENJALIN,

ASTANA

 

View this post on Instagram

 

A post shared by QR Týrızm jáne sport mınıstrligi (@turizm_sport_ministrligi)