SportPress.kz قازاقستان سپورت جاڭالىقتارى
Lefimerida پورتالىنا سىلتەمە جاساعان sports.kz-ءتىڭ حابارلاۋىنشا، گرەكيانىڭ «لاميا» كلۋبىنىڭ 33 جاستاعى ويىنشىسى كارليتوس «استانا» كلۋبىمەن ەكى جىلعا جارامدى كەلىسىمشارتقا قول قويۋ ءۇشىن كەلەدى. ونىڭ جالاقىسى دا بەلگىلى بولدى. ول ايىنا 1، 4 ملن ەۋرو ايلىق الادى.
سونىمەن بىرگە «استانا» يسپان شابۋىلشىسىنىڭ ترانسفەرى ءۇشىن «لامياعا» 300 000 مىڭ ەۋرو بەرگەن.
كارليتوس گرەكيا چەمپيوناتىندا «لاميانىڭ» جەيدەسىندە «اتروميتوس» كلۋبىنا قارسى سوڭعى رەت الاڭعا شىقتى. ول ويىننان كەيىن كوماندالاستارىمەن جانە جانكۇيەرلەرمەن اڭگىمەلەسىپ، كىدىرىپ قالدى. افينادان اسىعىس كەتكىسى كەلمەدى. ەندى ول «استانا» كلۋبىنان جاقسى ۇسىنىس كۇتىپ وتىر. «استانا» «لامياعا» يسپان ويىنشىسىسى 300 مىڭ ەۋرو تولەپ قويىپتى، — دەلىنگەن Gazzetta.gr -ءدىڭ اقپاراتىنا سۇيەنگەن sports.kz-ءتىڭ ماتەريالىندا.
قولدا بار مالىمەتكە قاراعاندا، بىرنەشە ەلدىڭ ۇلتتىق چەمپيوناتتارىندا ويناپ، جاقسى قىرىنان كوزگە تۇسكەن كورىنەدى. ول بارلىق جەردە بومباردير بولعان دەسەدى. كارليتوس «لاميادا» 21 ماتچ ويناپ، 10 گل سالىپ، 4 ناتيجەلى پاس بەرگەن ەكەن. ودان باسقا يسپانيانىڭ «توررەليانو»، «ەلچە»، «ونتەنەنتە»، «فۋەنلابرادا»، «نوۆەلدا»، «ەلدەنسە»، «ۆيلياررەال ب»، رەسەيدىڭ «پەتروترەست»، كيپردىڭ «اريس»، پولشانىڭ «ۆيسلا» (كراكوۆ)، «لەگيا»، ءباا-ءنىڭ «ءال-ۆاحدا»، گرەكيانىڭ «پاناتينايكوس» كلۋبتارىندا قاقپانى ءدال كوزدەيتىن سۇرمەرگەن بولىپتى.
داستان كەنجالين،
استانا
