Ispanııanyń legıoneri Astanaǵa 1, 4 mln eýro aılyqqa kele jatyr

Lefimerida portalyna silteme jasaǵan sports.kz-tiń habarlaýynsha, Grekııanyń «Lamııa» klýbynyń 33 jastaǵy oıynshysy Karlıtos «Astana» klýbymen eki jylǵa jaramdy kelisimshartqa qol qoıý úshin keledi. Onyń jalaqysy da belgili boldy. Ol aıyna 1, 4 mln eýro aılyq alady.

Sonymen birge «Astana» ıspan shabýylshysynyń transferi úshin «Lamııaǵa» 300 000 myń eýro bergen.

Karlıtos Grekııa chempıonatynda «Lamııanyń» jeıdesinde «Atromıtos» klýbyna qarsy sońǵy ret alańǵa shyqty. Ol oıynnan keıin komandalastarymen jáne jankúıerlermen áńgimelesip, kidirip qaldy. Afınadan asyǵys ketkisi kelmedi. Endi ol «Astana» klýbynan jaqsy usynys kútip otyr. «Astana» «Lamııaǵa» ıspan oıynshysysy 300 myń eýro tólep qoıypty, — delingen Gazzetta.gr -diń aqparatyna súıengen sports.kz-tiń materıalynda.

Qolda bar málimetke qaraǵanda, birneshe eldiń ulttyq chempıonattarynda oınap, jaqsy qyrynan kózge túsken kórinedi. Ol barlyq jerde bombardır bolǵan desedi. Karlıtos «Lamııada» 21 match oınap, 10 gl salyp, 4 nátıjeli pas bergen eken. Odan basqa Ispanııanyń «Torrelıano», «Elche», «Ontenente», «Fýenlabrada», «Novelda», «Eldense», «Vılıarreal B», Reseıdiń «Petrotrest», Kıprdyń «Arıs», Polshanyń «Vısla» (Krakov), «Legııa», BAÁ-niń «Ál-Vahda», Grekııanyń «Panatınaıkos» klýbtarynda qaqpany dál kózdeıtin surmergen bolypty.

Dastan KENJALIN,

ASTANA