XX-qysqy Sýrdlımpıada: Qazaqstan shahmattan qola júlde aldy

Túrkııanyń Erzýrým qalasynda ótip jatqan XX-qysqy Sýrdlımpıada oıyndarynda Qazaqstan erler qurama komandasy klassıkalyq shahmattan 10 upaı jınap, qola medalǵa ıe boldy. Al jarystyń altyn júldesin 12 upaı jınaǵan Horvatııanyń sportshylary jeńip aldy. Kúmis medal 11 upaı jınaǵan Polsha komandasyna buıyrdy.

Ulttyq qurama sapynda Sultan Qojahmetov, Samajan Kettebekov, Maksım Rojkov, Amangeldi Naýryzǵalıev, Meıirman Perneev pen Vıktor Maksımenko oınady.

Klassıkalyq shahmattan jarys qyzyqty da tartysty boldy. Qarsylastarymyz osal bolmady. Oıyn kezinde elimizdiń sportshylary Italııa, Germanııa men Serbııa qurama komandalaryn jeńip, Ýkraına men Polsha komandalarymen teń oınap, tek Horvatııa komandasyna ese jibergen bolatyn. Jarystyń nátıjesinde komandamyz 7 týrdan ótip, on úsh komanda arasynda úshinshi orynǵa turaqtady, — dedi shahmattan aǵa jattyqtyrýshy Eldos Kúzerbaev.

2 naýryzda bastalǵan XX-qysqy Sýrdlımpıada oıyndary 12 naýryzǵa deıin boldy. Oǵan Qazaqstannan 26 sportshy qatysyp, shahmat, snoýbord pen shańǵy jarysynan baq synady.

Quralaı ÁShIMHANOVA,

ASTANA