امەريكالىق كوۆبويلار استاناعا كەلدى

بۇگىن ۇلتتىق سپورت كۇنى تاڭەرتەڭگى ساعات 10:00-دە استاناداعى «ارعىماق» ات-سپورتتىق ساۋىقتىرۋ كەشەنىندە كوكپاردان اقش پەن قازاقستان قۇرامالارىنىڭ ويىنى باستالدى.

بۇل ويىنعا اقش-تان امەريكالىق كوۆبوي لەدد حاۋەلل مەن كەيسي فيلد كەلدى. لەدد حاۋەلل — امەريكالىق كوماندانىڭ كاپيتانى. قازاق قۇراماسىن الاڭعا بەلگىلى كوكپارشى قۇرمانبەك تۇرعىنبەك باستاپ شىقتى.

ۇلىستىڭ ۇلى كۇنى قارساڭىندا ۇيىمداستىرىلعان دوداعا اقش-تان جۋرناليست، فوتوگراف ءارى رەجيسسەر دجەيسون موتل دا كەلدى. ءىس-شارا اياسىندا ۇلتتىق سپورت تۇرلەرى بويىنشا دا جارىستار وتەدى.

بۇل كوكپار تارتۋدىڭ – الەم ەلدەرىنە كەڭىنەن تاراپ، ۇلتتىق ونەردەن حالىقارالىق دارەجەدەگى سپورتقا اينالا باستاعانىن كورسەتەدى.

كوكپار بيىل كۇزدە استانادا بولاتىن دۇنيەجۇزىلىك كوشپەندىلەر ويىندارىنىڭ باڭدارلاماسىنا كىرەدى. ودان باسقا ويىنداردا ات سپورتى تۇرلەرى، ۇلتتىق كۇرەس تۇرلەرى، ساداق اتۋ، ءداستۇرلى ينتەللەكتۋالدى ويىندار، ساياتشىلىق ونەر، ساداق اتۋ، جامبى اتۋ، ارقان تارتۋ سىندى ۇلتتىق جانە حالىقتىق ويىنداردىڭ 20 تۇرىنەن جارىس وتەدى. رەسمي باعدارلامادان تىس، ۇلتتىق ونەردىڭ 10 ءتۇرى تانىستىرىلادى.

ءلاززات ساعىندىقوۆا،

استانا