Amerıkalyq kovboılar Astanaǵa keldi

Búgin Ulttyq sport kúni tańerteńgi saǵat 10:00-de Astanadaǵy «Arǵymaq» at-sporttyq saýyqtyrý kesheninde kókpardan AQSh pen Qazaqstan quramalarynyń oıyny bastaldy.

Bul oıynǵa AQSh-tan amerıkalyq kovboı Ledd Haýell men Keısı Fıld keldi. Ledd Haýell — amerıkalyq komandanyń kapıtany. Qazaq quramasyn alańǵa belgili kókparshy Qurmanbek Turǵynbek bastap shyqty.

Ulystyń Uly kúni qarsańynda uıymdastyrylǵan dodaǵa AQSh-tan jýrnalıst, fotograf ári rejısser Djeıson Motl da keldi. Is-shara aıasynda ulttyq sport túrleri boıynsha da jarystar ótedi.

Bul kókpar tartýdyń – álem elderine keńinen tarap, ulttyq ónerden halyqaralyq dárejedegi sportqa aınala bastaǵanyn kórsetedi.

Kókpar bıyl kúzde Astanada bolatyn Dúnıejúzilik kóshpendiler oıyndarynyń bańdarlamasyna kiredi. Odan basqa oıyndarda at sporty túrleri, ulttyq kúres túrleri, sadaq atý, dástúrli ıntellektýaldy oıyndar, saıatshylyq óner, sadaq atý, jamby atý, arqan tartý syndy ulttyq jáne halyqtyq oıyndardyń 20 túrinen jarys ótedi. Resmı baǵdarlamadan tys, ulttyq ónerdiń 10 túri tanystyrylady.

Lázzat SAǴYNDYQOVA,

ASTANA