استانادا دۇنيەجۇزىلىك كوشپەندىلەر ويىندارىنىڭ كەرى ساناق تاقتاسى ىسكە قوسىلادى

ەرتەڭ V دۇنيەجۇزىلىك كوشپەندىلەر ويىندارىنىڭ باستالۋىنا 171 كۇن قالعاندا استاناداعى EXPO حالىقارالىق كورمە ورتالىعىندا جارىسقا قانشا كۇن قالعانىن كورسەتىپ تۇراتىن كەرى ساناق تاقتاسى رەسمي تۇردە ىسكە قوسىلادى. اسىق پىشىنىندە جاسالعان تابلونىڭ بيىكتىگى 2 مەتر.

سالتاناتتى ءىس-شاراعا پارلامەنت ءماجىلىسىنىڭ توراعاسى ەرلان قوشانوۆ، تۋريزم جانە سپورت ءمينيسترى ەرمەك مارجىقپاەۆ، استانا قالىسىنىڭ اكىمى جەڭىس قاسىمبەك، تۇركيادان ارنايى كەلگەن دۇنيەجۇزىلىك ەتنوسپورت كونفەدەراتسياسىنىڭ پرەزيدەنتى ءبىلال ەردوعان، قۇرمانبەك تۇرعىنبەك باستاعان قازاقستان قۇراماسى جانە امەريكالىق كوۆبوي لەدد حاۋەلل باستاعان اقش كوكپارشىلارى قاتىسادى.

ءىس-شارا ساعات 11:00-دە ماڭگىلىك ەل كوشەسى، 53/1 مەكەنجايىندا ورنالاسقان EXPO حالىقارالىق كورمە ورتالىعىندا بولادى.

ءلاززات ساعىندىقوۆا،

استانا