SportPress.kz Qazaqstan sport jańalyqtary
Bokstan Lıtvanyń Kaýnas qalasynda Algırdas Shoıkas atynda ótken halyqaralyq týrnırde Qazaqstan boksshylary 6 altyn medal jeńip aldy, dep habarlady Qazaqstan boks federaııasy.
Sonymen birge ulttyq qurama 3 kúmis jáne 2 qola medal ıelendi.
Qazaqstan boks federaııasynyń habarlaýynsha, 57 kelige deıingi salmaqta Asyljan Serikbaı ýkraınalyq Denıs Rozdolskıdi eki ret nokdaýnǵa jiberip, aıqyn basymdyqpen jeńdi.
Jandos Qydyrálıev (63, 5 kg) ırlandııalyq Paýl Heıl Djonnyń jekpe-jekten bas tartýyna baılanysty taǵy bir altyn medaldy ıelendi.
67 keli salmaqta Elnur Súıinbaı Polsha ókili Kırıll Globenkodan basym tústi.
Farýh Toqtasynov (71 kg) sońǵy jekpe-jeginde ýkraınalyq Maksım Molodanny jeńse,
Azamat Bektas (75 kg) taǵy bir Polsha ókili Mıhal Iarlınskıden aılasyn asyrdy.
80 keli salmaqta Tursynbaı Qulahmet ulybrıtanııalyq Ramtın Mýsany jeńdi.
Nursultan Altynbek (54 kg), Almat Ábdýálı (60 kg) pen Abzal Quttybekov (86 kg) tóreshiler sheshimimen qarsylastarynan jeńilip, ekinshi oryndy aldy.
51 keli salmaqta Danııal Sábıt pen aýyr salmaqtaǵy Amanat Sabyrǵalı qola júldege ıe boldy.
Osylaısha, boksshylar halyqaralyq týrnırde 6 altyn, 3 kúmis, 2 qola medaldi ıelendi.
Al Ázerbaıjannyń astanasy – Baký qalasynda «Uly jibek joly» dástúrli halyqaralyq týrnır bastalady. Oǵan 11 elden 121 boksshy qatysady.
Qazaqstan jáne Ázerbaıjan quramasynan bólek, týrnırde О́zbekstan, Reseı, Polsha, Qyrgyzstan, Tájikstan, Iran, Italııa, Pákistan men Vengrııa boksshylary da baq synaıdy..
Keshe týrnırdiń jerebe tartý rásimi bolyp, boksshylardyń alǵashqy qarsylastary anyqtaldy.
Búgin «Uly jibek joly» halyqaralyq týrnırinde Qazaqstan quramasynan sharshy alańǵa alty boksshy shyǵady.
Olardyń ekeýi týrnırdi 1\8-fınaldan bastasa, tórteýi shırek fınaldyq jekpe-jekterin ótkizedi.
Asa aýyr salmaqtaǵy Qamshybek Qońqabaev reseılik Ramazan Karkýkaevpen kezdesetin boldy. Eger Qońqabaev qarsylasyn jeńse, shırek fınalda О́zbekstannyń alyby Bahodır Jalolovpen qolǵa túıistiredi.
