QFF ÝEFA-nyń fýtbolǵa baýlý jobasynda úzdik dep tanyldy

ÝEFA-nyń Shveıarııanyń Non qalasyndaǵy shtab-páterinde 2023/2024 jylǵy UEFA Grassroots Awards buqaralyq fýtbol boıynsha marapattaý rásimi ótti, dep habarlady Qazaqstan fýtbol federaııasy.

Rásimde byltyr Qazaqstan fýtbol federaııasynyń ótkizgen «Balalar úıi tárbıelenýshileri arasyndaǵy fýtbol festıvali» ÝEFA-nyń 2023/2024 jylǵy maýsymynyń qorytyndysy boıynsha fýtbolǵa baýlý jobasynda úzdik dep tanyldy.

QFF uıymdastyrǵan «Balalar úıi tárbıelenýshileri arasyndaǵy fýtbol festıvali» 2023 jyly birneshe aıǵa sozylǵan bolatyn. Joba balalar úıleriniń tárbıelenýshileri úshin ujymda jumys isteý daǵdylaryn damytýǵa, fızıkalyq jáne psıhologııalyq densaýlyqtaryn nyǵaıtýǵa jáne qolaıly áleýmettik ortany qurýǵa baǵyttaldy.

Festıval Qostanaı, Pavlodar, Taraz, Almaty, Petropavl, Shymkent, Qyzylorda, Býrabaı, О́skemen jáne Qaraǵandy qalalarynda uıymdastyryldy.

UEFA Grassroots Awards premııasyna úmitkerlerdi Eýropanyń ulttyq fýtbol qaýymdastyqtary usynady.  Al jeńimpazdardy uıymnyń tómengi tobynyń usynystary negizinde ÝEFA-nyń Damý jáne tehnıkalyq kómek komıteti tańdaıdy.

ÝEFA tehnıkalyq dırektory Frenk Lıýdolf QFF-ny marapatymen quttyqtady.

Qazaqstannyń ÝEFA-ǵa músheligine ótkeni áli esimde. Ol kezde men osy másele boıynsha jumys tobynda bolǵan edim. Al qazir sizder erekshe fýtbol jobasyn iske qostyńyzdar. Bul fýtbol oıynnan da joǵary ekenin dáleldeıdi. Fýtbol otbasy ne jeke jaǵdaıyna qaramastan kez kelgen adamdy biriktiredi. Qazaqstan fýtbol federaııasyn jeńisimen quttyqtaımyn! Jobalaryńyz bolashaqta fýtbolda da, qoǵamda da paıdasyn tıgizetinine senimdimin, – dedi  Lıýdolf.

Eske sala ketsek, UEFA Grassroots Awards marapaty 2010 jyldan beri fýtboldyń damýyna qosqan úlesi men jetistikteri úshin berilip keledi.