Qazaqstan gımnasshylary Challenger Cup týrnıriniń kúmis júldesin aldy

Kórkem gımnastıkadan Portýgalııanyń Portıman qalasynda ótken Challenger Cup týrnırinde Erıka Jaılaýova men Mılana Parfılova kúmis júldeni jeńip aldy.

Erıka Jaılaýova doppen óner kórsetýdiń fınalynda 32.400 ball alsa, Mılana Panfılova shyǵyrshyq jattyǵýynda 33.800 ballǵa ıe boldy. Odan keıin ol lentamen baq synap, qola (30.750 upaı) medal ıegeri atandy.

Kópsaıys qorytyndysynda Parfılova 5, Jaılaýova 7-oryndy qanaǵat tutty. Al jekelegen jattyǵýlar boıynsha ótken fınalda eki sportshymyz da júldegerler qatarynan kórindi.

Qazaqstan komandasynyń úzdikteri Eljańa Tanıeva men Aıbota Ertaıqyzy aldaǵy Álem kýbogy kezeńderine daıyndalyp jatyr.

 

Dastan KENJALIN,

ASTANA