Jańyl Baltabaeva para kanoeden Paralımpıadaǵa joldama aldy

Para kanoedan Majarstannyń Seged qalasynda ótken lıenzııalyq álem chempıonatynda Jańyl Baltabaeva Paralımpıada oıyndaryna joldamany jeńip aldy.

Chempıonattyń V fınalynda (VL3 klassy) óner kórsetken sportshy 200 metr qashyqtyqty 1:05.83 sekýndta júrip ótip, márege ekinshi bolyp jetti. Osy básekede márege polshalyq Monıka Kýkla 1:05.45 sekýnd nátıjesimen birinshi, al franııalyq Elea Charvet 1:07.33 nátıjesimen úshinshi bolyp keldi.

Álem chempıonatynda Paralımpıadaǵa tórt joldama oınatyldy.

Chempıonattyń fınaly A jáne V top arasynda boldy. A tobyna aldyńǵy lıenzııalyq týrnırlerde jeńiske jetken 6 sportshy jáne osy chempıonattyń jartylaı fınalynda úzdik óner kórsetken ózbekstandyq sportshy irikteldi. Bizdiń sportshymyz Jańyl Baltabaeva V tobynda synǵa tústi.

Jańyl Baltabaeva márege birinshi bolyp jetken sportshydan tek 0,38 sekýndqa qalyp qoıdy. Jarystyń erejesine saı A tobynyń 7 sportshysy jáne V tobynyń 3 sportshysy Paralımpıada oıyndaryna joldama alady, — dedi Dene múmkindikteri shekteýli adamdarǵa arnalǵan sporttyq daıarlaý ortalyǵynyń komanda basshysy Ersultan Jolshıev.

Janyl Baltabaeva osymen Paralımpıada oıyndaryna elimizdiń 12-shi lıenzııasyn ıelendi. Buǵan deıin lıenzııany para kanoedan Spataı Bıbarys, para paýerlıftıngten Davıd Degtıarev, para jeńil atletıkadan Dastan Muqashbekov, voleıboldy otyryp oınaýdan ulttyq qurama, para oq atýdan Erkin Ǵabbasov, para júzýden úsh joldama, para taekvondodan Nurlan Dombaev, Kamılıa Dosmalova men Nyshan О́miráli alǵan bolatyn.

Paralımpıada oıyndary 28 tamyz ben 8 qyrkúıek aralyǵynda bolady.

Quralaı ÁShIMHANOVA,

ASTANA