جولداما الا الماعان بالۋاندارعا ايتارعا ءسوزىم جوق — ماديار قۇرامىسوۆ

ەركىن كۇرەستەن قازاقستان ۇلتتىق قۇراما كومانداسىنىڭ باس جاتتىقتىرۋشىسى ماديار قۇرامىسوۆ تۇركيانىڭ ىستانبۇل قالاسىدا وتكەن سوڭعى ىرىكتەۋ ءتۋرنيرىن قورىتىندىلادى، دەپ حابارلادى Olympic.kz

بۇل تۋرنيردە ەركىن كۇرەستىڭ بالۋاندارى ءۇش سالماقتا (57، 65، 74 كەلى) سىنعا ءتۇسىپ، ۇشەۋىندە دە جولداما الا الماعان ەدى.

باس جاتتىقتىرۋشىنىڭ ايتۋىنشا، نەگىزى، جىگىتتەر جاقسى كۇرەستى. بىراق شەشۋشى ساتتە شەبەرلىك جەتپەي قالدى. قۇرامعا كەلەر بولساق، جىگىتتەردىڭ ءبارىن ادىلەتتى تۇردە تاڭداپ الىندى.

ادلان اسقاروۆ سالىستىرمالى تۇردە بىشكەكتە كۇرەسكەن مايس اليەۆتەن مىقتىراق بولدى. راحات قالجان دا ەڭ سوڭىنا دەيىن كۇرەستى. ال نۇرعوجا قايپانوۆتىڭ الەۋەتى وسى. بۇدان جاقسى ناتيجە كورسەتە الماي ءجۇر. قازىر ونىڭ 74 كەلى سالماعى ەركىن كۇرەستەگى ەڭ بەدەلدى سالماق. سوندىقتان، الىسقا بارمادى. ىستانبۇلداعى تۋرنيردەن سوڭ بالۋاندارعا ايتارعا ءسوز جوق، — دەدى قۇرامىسوۆ.

تۇركياداعى تۋرنيردە راحات قالجان (57 كگ) جولداما ءۇشىن بەلدەسۋدە جەڭىلسە، ادلان اسقاروۆ (65 كگ) ەكىنشى اينالىمدا جارىستان شىعىپ قالدى. نۇرعوجا قايپانوۆ (74 كگ) بولسا، قولا مەدال ءۇشىن كۇرەستە قارسىلاسىنا ەسە جىبەردى.