«شين-لاين» كومپانياسى بالمۇزداق ءوندىرىسى بويىنشا الەمدىك كوشباسشىلار رەيتينگىنە كوتەرىلدى

«شين-لاين» كومپانياسى 2023 جىلدىڭ قورىتىندىسى بويىنشا Euromonitor حالىقارالىق تالداۋ كومپانياسى دايىنداعان دەرەكتەرگە سايكەس، الەمدىك بالمۇزداق وندىرۋشىلەر اراسىندا الەمدە 36-ورىنعا يە بولدى. 

بۇل وتە جوعارى كورسەتكىش، ويتكەنى بۇل رەيتينگكە الەمنىڭ تۇكپىر-تۇكپىرىنەن، بىرنەشە جۇزدەگەن ناتيجەلى كاسىپورىندار ەنگەن، ال وتاندىق وندىرۋشىلەردى «شين-لاين» تانىستىرادى. العاشقى وندىققا ۇلىبريتانيا، شۆەيتساريا، اقش جانە وڭتۇستىك كورەيا سياقتى بالمۇزداق وندىرىسىندەگى كوشباسشى ەلدەر كىرگەن. تۇراقتى كوشباسشىلار قاتارىندا Mars، Unilever، Nestle جانە ت.ب. سياقتى الىپتار بار.

Streda Consulting كونسالتينگتىك كومپانياسىنىڭ دەرەكتەرى بويىنشا 2023 جىلى «شين-لاين» كومپانياسى ەاەو ەلدەرىنىڭ بالمۇزداق وندىرۋشىلەرىنىڭ رەيتينگىندە 6-ورىنعا كوتەرىلدى. بىرنەشە جىل ىشىندە «شين-لاين» ءوزىنىڭ پوزيتسياسىن ەداۋىر جاقسارتىپ، 2022 جىلى تۇرعان 8 ورىننان كوشتى.

«شين-لاين» كومپانيالار توبى شەتەلدىك نارىقتارعا قازاقستاندىق بالمۇزداقتىڭ نەگىزگى جەتكىزۋشىسى بولا وتىرىپ، ءبىر جىل ىشىندە ەكسپورتتىڭ ايتارلىقتاي وسكەنىن كورسەتتى. كومپانيا ونىمدەرى بۇگىندە قىتايعا، رەسەيگە، بەلارۋسكە، موڭعولياعا، ازىربايجانعا، گرۋزياعا، تاجىكستانعا، قىرعىزستانعا، وزبەكستانعا ەكسپورتتالادى.

2023 جىلى جەتكىزىلىمدەردىڭ ءوسۋى قارقىنى وتكەن جىلدىڭ سايكەس كەزەڭىمەن سالىستىرعاندا تومەندەگىدەي: رەسەيگە-123%، قىتايعا-115%، قىرعىزستانعا — 59%، تۇرىكمەنستانعا — 44%، وزبەكستانعا — 37%. قىرعىزستان، وزبەكستان جانە قىتاي سياقتى ەلدەرگە ەكسپورت كورسەتكىشتەرى بويىنشا «شين-لاين» كومپانياسى رەسەيدەگى بالمۇزداق ءوندىرىسىنىڭ كەز كەلگەن كوشباسشىسىنان وزىپ وتىر. ولار دا وسى ەلدەرگە ءونىمدى بەلسەندى ەكسپورتتايدى.

قازاقستانداعى ىشكى بالمۇزداق نارىعىنا كەلەتىن بولساق، تۇتىنۋ ءبىر جىلدا 20 000 تونناعا ءوستى جانە بۇگىنگى تاڭدا «شين-لاين» كومپانياسىنىڭ باعالاۋى بويىنشا جىلىنا ءبىر ادامعا 2،86 كگ بالمۇزداقتان كەلەدى. بۇل وتكەن جىلدىڭ ناتيجەسىنەن 16% جوعارى.

2015-2019 جىلدارى قازاقستاندا جان باسىنا شاققانداعى بالمۇزداق تۇتىنۋ 2،0–2،4 كگ دەڭگەيىندە وزگەردى. بۇل الەم بويىنشا ورتاشا ماننەن جىلىنا جان باسىنا شاققاندا 0،9 كگ-عا جوعارى. بىراق ازىرگە بالمۇزداق تۇتىنۋ بويىنشا كوشباسشى ەلدەردەگى دەڭگەيدەن ايتارلىقتاي تومەن: يتاليادا — 15 كگ/ادامنان استام، گەرمانيادا — 14،6 كگ/ادام، فينليانديادا-14 كگ/ادام.

2024 جىلدىڭ باستالعان ماۋسىمى قازاقستاندا بالمۇزداق ساتىلىمىنىڭ ءوسۋىنىڭ جاقسى سەرپىنىن كورسەتەدى.

4 ايدا وتكەن جىلدىڭ سايكەس كەزەڭىمەن سالىستىرعاندا زاتتاي ماندە 9% ال اقشالاي تۇردە سايكەسىنشە 17% بولدى. جالپى، قازاقستاندىق بالمۇزداق نارىعى جىلىنا شامامەن 72 ملرد تەڭگەگە باعالانادى. «شين-لايننىڭ» باعالاۋى بويىنشا وتاندىق جانە شەتەلدىك وندىرۋشىلەر تولتىراتىن قازاقستانداعى بالمۇزداق نارىعىنىڭ سىيىمدىلىعى شامامەن 56 706 توننانى قۇرايدى جانە وتكەن جىلمەن سالىستىرعاندا 23،8% — عا ءوسىمدى كورسەتەدى. بۇل ءوسىمدى ەڭ الدىمەن نارىقتىق ۇلەسى 81،2% قۇرايتىن وتاندىق ءوندىرىس قامتاماسىز ەتىپ وتىر. سوڭعى جىلى قازاقستاندىق بالمۇزداق نارىعىندا زاتتاي ماندە يمپورتتىق ءونىمنىڭ ۇلەسى تومەندەپ، 18.8%  بولدى.

2023 جىلى قازاقستاندىق فابريكالار شامامەن 52 مىڭ توننا بالمۇزداق ءوندىردى، بۇل وتكەن جىلمەن سالىستىرعاندا 25.8% -عا ارتىق (41.3 مىڭ توننا). 2022-2023 جىلدارى قازاقستانعا بالمۇزداق يمپورتى زاتتاي ماندە12% — عا ءوستى (9506 توننادان 10646 تونناعا دەيىن). Euromonitor دەرەكتەرى بويىنشا قازاقستاندىق بالمۇزداق نارىعىنىڭ كوشباسشىسى رەتىندە نارىق ۇلەسى 49% قۇرايتىن «شين-لاين» كومپانياسى بولىپ قالا بەرەدى. وتكەن جىلى قازاقستاندىق وندىرۋشىلەردىڭ سانى ساقتالعانمەن ولاردىڭ كەيبىرى ءوندىرىس كولەمىن بارىنشا قىسقارتتى.

ءوندىرىستى قىسقارتقان كومپانيالاردىڭ ۇلەسىن باسقا ويىنشىلار تەز ارادا الماستىرادى. جالپى قازاقستانداعى بالمۇزداق نارىعىنىڭ كولەمى جىلىنا 6-9% — عا وسەدى جانە ءبىزدىڭ بولجامىمىز بويىنشا 2024 جىلى 62 000 تونناعا جەتەدى، — دەدى «شين-لاين» كومپانيالار توبىنىڭ ديرەكتورلار كەڭەسىنىڭ توراعاسى دميتري دوكين.

قازاقستاننىڭ ءىرى قالالارىندا حالىقتىڭ ساتىپ الۋ قابىلەتىنىڭ جوعارىلاۋىنا، تۇتىنۋ ورتاشا ماننەن جوعارى بولۋىنا، تۇتىنۋ جاعدايلارىنىڭ كەڭ تاڭداۋى قاراستىرىلعانى ونىڭ ىشىندە ءارتۇرلى ساۋدا نۇكتەلەرى مەن كافەلەردەن باستاپ ساياباق دەمالىس ايماقتارى مەن قالاداعى مەرەكەلىك ءىس-شارالارعا دەيىن قامتىلعاندىعى يگى اسەر ەتەدى.

2024 جىلدىڭ العاشقى 4 ايىندا كومپانيانىڭ برەندتەرى اراسىندا 1 646 توننالىق «بومبا» كوشباسشى سانالادى، ساتىلىمنىڭ ەڭ ۇلكەن ءوسىمى-«Bahroma» 74% قۇرايدى، «بومبا» جانە تابيعي شىرىنداردان جاسالعان جەمىس قوسىلعان مۇزدار 18%. فورماتتار اراسىندا ستاكانچيك پەن ەسكيمو كوشباسشىلىقتى ساقتاپ قالدى، بىراق ءوسىمدى روجكي كورسەتتى – 21%.

بالمۇزداقتىڭ جاڭا ەرەكشە جانە تالعامپاز تۇرلەرىن نارىققا شىعارۋ وڭ اسەر ەتەتىن ءونىمنىڭ قازىرگى تانىمالدىلىق تەندەنتسياسى ساقتالسا، بالمۇزداق تۇتىنۋدىڭ ءوسۋى ودان ءارى جالعاسادى. ءدال وسى ءۇشىن ءبىز بۇگىن «شين-لاينعا» نازار اۋدارىپ، وندىرىسكە بەلسەندى ينۆەستيتسيا سالىپ، ءباس تىگەمىز. ءونىمنىڭ جاڭا تۇرلەرىن ءوندىرۋدى تەحنولوگيالىق يننوۆاتسيالار مەن ساپا ستاندارتتارىنىڭ ءوسۋى ەسەبىنەن عانا جولعا قويۋعا بولادى، مۇنىمەن  بىزدىڭ ماماندار بەلسەندى تۇردە اينالىسىپ جاتىر. سوڭعى جىلداردا نارىقتاعى جاڭا ونىمدەردىڭ مىسالى رەتىندە «ميشكا نا پوليۋسە» تابيعي پلومبيرلەرىن، شىعىس ءدامى بار «Bahroma» كرەمدى بالمۇزداعىن، «زولوتايا كوللەكتسيا»  — بالمۇزداق پەن كونديتەرلىك ونىمدەردى بىرىكتىرەتىن دەسەرتتەردى سانات كوشباسشىلارى رەتىندە اتاۋعا بولادى، — دەپ ەسەپتەيدى دميتري دوكين.

نۇرلان قۇمار،

الماتى